أميــــرة
16 May 2007
هدية من جبران
أنا لا أبدّل أحزان قلبي بأفراح الناس ، ولا أرضى أن تنقلِب الدموع التي تستدرّها الكآبة من جوارحي وتصير ضحكاً
أتمنى أن تبقى حياتي دمعة وإبتسامة ، دمعة تطهّر قلبي وتُفهمني أسرار الحياة وغوامضها ، وإبتسامة تًدنيني من أبناء بجدتي وتكون رمز تمجيدي الآلهة
دمعة أًشارك بها مًنسحِقي القلب ، وإبتسامة تكون عنوان فرحِي بوجودي
أريد أن أموت شوقاً ولا أحيا مللاً ، أريد أن تكون في أعماق نفسي مجاعة للحب والجمال .. لأني نظرت فرأيت المًستكفين أشقى الناس وأقربهم من المادة .. وأصغيت فسمعت تنهدات المشتاق المًتمني أعذب من رنّات المًثاني والمًثالث
يأتي المساء .. فتضم الزهرة أوراقها وتنام معانقةَ شوقها ، وعندما يأتي الصباح تفتح شفتيها لإقتبال قبلة الشمس ... فحياة الأزهار شوق ووصال ، دمعة وإبتسامة
تتبخر مياة البحر وتتصاعد .. ثم تتجمع وتصير غيمة وتسير فوق التلال والأودية ، حتى إذا ما لاقت نسيمات لطيفة .. تساقطتْ باكية نحو الحقول وإنضمّتْ إلى الوديان ورًجعتْ إلى البحر موطنها
حياة الغيوم فراق ولقاء ، دمعة وإبتسامة
كذا النفس تنفصل عن الروح العام
وتسير في عالم المادة وتمر فوق جبال الأحزان وسهول الأفراح .. فتلتقي بنسيمات الموت فترجع إلى حيث كانت
إلى المحبة والجمال
إلى الله
.......
جبران خليل جبران
من كتاب
دمعة وإبتسامة
.........
20 Comments:
تلك هى الحياة يا عزيزتى ... سواء شئتى أم أبيتى
ندور فى دائرة لا نعلم محيطها ... و نسبح فى وسطها فلا نعلم وسعها أو عمقها على حد سواء
لكنى فقط أسأل .. هل لنا إختيار الدخول فيها , أم علينا أن نقف صامتين , و تدور هى بنا دون أن نشعر أو ندرى
------
أميرة .... لو إنتى اللى كاتبه الكلام ده ..
أنا هروح أولع فى نفسى , و إوعى تقربى من البلوج بتاعى عشان ميجيلكيش إشمئزاز
و لو مش إنتى اللى كاتباه , أحيى اللى كاتبه .. و أحييكى على إختيارك
ههههههههههه
لأ يا أحمد مش أنا طبعاً
ده جبران
دي أول صفحة في كتاب إسمه دمعة وإبتسامة
وأول ما شفتها .. إعتبرتها هدية منه
وبعدين لو تعليقاتك بالشكل ده
يبقى أكيد تدويناتك قوية
ممممممممممم
هاشوف بنفسي بعد إذنك
ايه الروقان ده ؟ ما شاء الله .. ايه ؟ ابتديتى تلعبى ملاكمه بجد ولا أيه ؟
شكرا لذوقك الجميل و اختيارك الموفق
بصراحه طول عمري بسمع عن جبران خليل جبران بس أول مره اقراله كلمه بس الصراحه طلع حكايه
تحياتي لكي
في حضرة جبران تسلم الروح مفاتيح التجلي لكلماته وتركن في خشوع لصلاة حرفه
الحياة دائرة بالتوالي ولا خلود إلا للخالد أبدًا ... كلنا مدارات ذات غاية لا نملك سوى حق الطاعة طالما ولدنا من رحم تلك الحياة
أميرة
إختيار موفق
وشكرًا لزيارتك مدونتي
سعدت بك ِ
انا جيت اعلق امبارح منفعش كنتي قافلة التعليقات
طبعا من اعز الكتب الى قلبي دمعة و ابتسامة
أنت أخي و أنا احبك
احبك ساجدا في جامعك و راكعا في هيكلك و مصليا في كنيستك فأنت وأنا ابنا دين واحد هو الروح وزعماء فروع هذا الدين
أصابع ملتصقة في يد الالوهية المشيرة إلى كمال النفس.........
.أحبك لأني رأيتك ضعيفا أمام الأقوياء القساة و فقيرا محتاجا أمام صروح الأغنياء الطامعين.
لذلك بكيت من أجلك و من وراء دموعي رأيتك بين ذراعي العدل و هو يبتسم لك و يستهزئ بمضطهديك ...
أنت أخي و أنا احبك
واوووو الروعة يا اميرة
فتلتقي بنسيمات الموت فترجع إلى حيث كانت
إلى المحبة والجمال
إلى الله
و نعم بالله
جميل الاختيار و روح الاختيار
اسعدك الله بهذه الهدية التي اهديتها الى نفسك و الى كل من سيقرؤها
سلامات
أستاذتي ..
مش عشان السن و لا التخصص و لا مبالغة و لا مجاملة و لا حتي فرق الخبرة .. لكن ده .. ا ن ط ب اع ي التلقائي لما باكون هنا و اتكلم علي راحتي .. لكن لما نتفزلك و نفسر انطباعاتنا برضه .. مش هيبقي عشان الخبرة و اني باستفيد فعلا من الكلام و الحوارات والتعليقات المتبادلة بس .. لان يامة مدونين أو أشخاص عموما ينفعوا فلاسفة حتي .. لكن ايه معني الفلسفة لو مش بتوصل لحد غير صاحبها .. مش كونها شاذة او غريبة لكن عدم وصولها .. طبعا هنيجي هنا لحاجات زي الاسلوب و الطريقة و الالفاظ و كيفية التعامل مع مستويات مختلفة .. و حاجات تانية بتظهر واضحة وراها روح البني ادم وتدي الانطباع فورا دون تفكير .. لاحظي اني ما وصفتش الاسلوب او التعامل او الروح باي وصف لسه ممكن يتفسر بالمجاملة و هاحتفظ بالاوصاف لنفسي ..و طبعا يا استاذتي السن مالوش دخل دا انتي اصغر مني و الله - وادي المجاملات وصلت اهه - .. لكن مش هاغير في انطباعاتي ..
يا أستاذتي ..
كلمات وضاءة من الفيلسوف الذي أتذكر تشاؤمه قبل اشراقه و تفاؤله ..... لست أملك أي نصائح كهدايا .. لا أملك سوي الأماني المخلصة .. أتمني أن تكون حياتك - و تستمر - دمعة تطهر قلبك .. تفهمك الأسرار.. تشاركين بها منسحقي القلب .. و ابتسامة عنوانا لفرحك بوجودك و رمز تمجيدك الالهي .. أتمني أن تهبك الحياة دوما ما يجدد تعطشك للحب و الجمال .. لو تهبك المعمعة الكئيبة من آن لآخر ما يقربك من الروح العام .. ما يدنيك لتتلمسي نبضه و وميضه ولو فوق جبال الاحزان و سهول الافراح .. لو أمكنك أن تكوني علي الدوام .. المسجد و الساجد معا .. بهذا لربما تجدد شعور الأمان.. و لو أحيانا متفرقة .. بعد انتهاء السجود .. لربما محي هذا شيئا من وطأة الأحزان و التعاسة غير المبررة .. تمنياتي بعام جديد حافل بالأمل و الاشراق .. و تمنياتي أن تكوني كما أنت و أكثر .. جميلة مشرقة ..
يا...... صديقتي ..
ملحوظة .. تعبير المسجد و الساجد معا للاستاذ زكي نجيب محمود و واضح لك ان شرحه يستهلك كتبا ..
lastknight
مش ملاكمة ولا حاجة
دي إستغماية
بحاول أستخبى من اللي بيحصل
لكن مش عارفة للأسف
ميرسي يا فندم
تحياتي لحضرتك
micheal
ده إسمه جر رِجِل
يعني أول مرة ببلاش
وبعد كده الكلام بفلوس
مبسوطة إنها عجبتك
تحياتي ليك
عندما أكون خاشعة
أقرأ لجبران
جميلة يا فندم
جميله خالص :)
nirfana
أنا أيضاً سعدت بك
حروف جبران تصلي بالفعل
وصوفية ألفاظه تحملني بعيداً بعيداً
عن عالم الماديات المرهق
أشكرك يا عزيزتي
Nada
فاكرة ؟
كان بداية تعارفنا
دي مقدمة الكتاب على فكرة
طبعاً إنتي عارفة الآية القرآنية
إنا لله وإنا إليه راجعون
الناس في الغالب بتستخدم الآية دي عند ذكر الموت
لكن أنا باشوفها آية رائعة في العموم
جبران بيتكلم هنا عن نفس المعنى
we are from God and into God we shall return
جميل إختيارك إنتي كمان
ميرسي يا صديقتي
تسلميلي
Yosif
هابدأ من الآخر
قبل الآخر بشوية
طيب لو الأوصاف اللي هتحتفظ بيها لنفسك دي أدت لإنطباع جيد
ولو كان عندي أنا كمان إنطباع جيد برضه بيؤدي لإرتياح ... وإطمئنان
ولو كان فرق السن -اللي لصالحي طبعاً- بيقابله نضج مبكر وفلسفة أكبر من المتوقع بالنسبة للعمر الحقيقي
ولو كانت الأرواح كلها من مصدر واحد
لكن فيه روح بتحافظ على روحها وتحميها
وروح تانية الظروف مابتساعدهاش على ده
برضه أستاذة ؟؟؟
وحياة ربنا خالص
Yosif
شعور الأمان
إنتهاء السجود
التعاسة غير المبررة
أجهدت ذاكرتي يا صديقي
أحياناً
نلقي الأحمال والأثقال أرضاً
ونجلس .. لنبكي قليلاً
وننتظر
وتتأخر المواساة
فنوشك على اليأس
فننهض .. ونرفع الأحمال ثانية
ونعاود السير
خطوات قليلة .. ويأتينا الصوت
من إتجاهِ آخر وبنبرة مختلفة
أحياناً
يأتينا حب الله
عن طريق تعدد مصادر النور
والرعاية
أشكرك ياصديقي
نبيــذ
جميلةُ أنتِ
وتقفين دائماً عند الخط الفاصل
بيني وبين الحُلم
Bassma
مبسوطة إنها عجبتك
وأشكرك على مرورك
كل سنة و انتي طيبة يا صديقتي
مدونه جميله
بس الصوره اللى فيها دى مش حلوه خالص
مش عارف ليه بنات المسلمين
مش بيراعو موضوع الصور فى مدوناتهم
دى صور لا تجلب الا غضب الله
وسيئات على اللى يشوفها واللى حطها اصلا
فياريت تحذفيها علشان نقدر ندخل مدونتك ونعلق عليها
Post a Comment
Links to this post:
Create a Link
<< Home