أميــــرة
24 April 2007
الموت إختلافاً
لأنها كارمِن
فهي للمرةِ الأولى .. تصرُخ
أيقظتني فجر اليومِ .. مُستغيثة
أيقظتني فجر اليومِ .. مُستغيثة
ولأنها كارمِن
فلم أُدركْ سرَ إستغاثتها
حتى رأيتُ الطعنةَ الجديدة
حتى رأيتُ الطعنةَ الجديدة
آه يا كارمِن
ولأنها كارمِن
ولأنها كارمِن
فأنا الآنَ أركضُ نحوَها .. لأحميها مِن مهانةِ الإنحناء
أمنحُها أنفاسي الهادئة .. لتحميها مِن مهانةِ اللُهاث
ولأنها ... هي
ولأنها ... هي
أتعجبُ
ما السر ؟
لِمَ الإستغاثة ؟
تتلقين عشراتِ الطعناتِ كُلَ صباحِ وفي المساء
لِمَ الإستغاثة ؟
ولأنها كارمِن
فهي لا تُجيب
فقط تُرخي جفنيـّها مِن الألم
كلا
ليس الألم .. يا وَيلِي
أرقُبُ دمائَها المُبتعِدة ، تصبِغُ أصابعي بلونِها الحبيب
أتذكُرين ؟
كم أهدرّتي بحماقاتي
كم أزعجتـُكِ
كم أرهقتــُكِ
خطأٌ جديدُ لي هو قاتِلُكِ إذن ؟
كلا ؟
ولأنها كارمِن
فلم تبُحْ لي باسمِ طاعِنِها الجديد
ترقد هادئةً بين ذراعيّ .. تهذي مِن آلامِ الطعنة
وبهذيانِها .. أتخيلُ شكلَ الخِنجَرِ الموتور
لكني لم أعرفْ صاحبَه
ولأنها كارمن
فهي في كُلِ مرّة .. لا تلعن قاتِلَها
فقط
تلعن قسوَتَه
لِمَ الإستغاثة ؟
ولأنها كارمِن
فهي لا تُجيب
فقط تُرخي جفنيـّها مِن الألم
كلا
ليس الألم .. يا وَيلِي
أرقُبُ دمائَها المُبتعِدة ، تصبِغُ أصابعي بلونِها الحبيب
أتذكُرين ؟
كم أهدرّتي بحماقاتي
كم أزعجتـُكِ
كم أرهقتــُكِ
خطأٌ جديدُ لي هو قاتِلُكِ إذن ؟
كلا ؟
ولأنها كارمِن
فلم تبُحْ لي باسمِ طاعِنِها الجديد
ترقد هادئةً بين ذراعيّ .. تهذي مِن آلامِ الطعنة
وبهذيانِها .. أتخيلُ شكلَ الخِنجَرِ الموتور
لكني لم أعرفْ صاحبَه
ولأنها كارمن
فهي في كُلِ مرّة .. لا تلعن قاتِلَها
فقط
تلعن قسوَتَه
The painting CARMEN by Richard Young
The music INTERMEZZO by Georges Bizet
62 Comments:
فين الميوزك
مش سامعة حاجة؟
كم ابتعدت كارمن عن البشريه و لامست الملائكيه .. لكن .. هل للملائكه اختيار ؟
لمست شغاف القلب يا أميره .. شكرا
كلام جميل
وكلام معقول
مقدرش أقول حاجة عنوا
ولأنى أودى
يبقى
عادى بقة
أودى
اوكي خلاص أنا بسمع...روحت فتحت البلوج بتاعك بالانترنت اكسبلورر عشان بالموزيلا الموسيقى مبتمتيش
بقولك ايه يا أميرةأنا عادة لما أخلص قراءة بوست عندك مقدرتش أتنفس والله.او ممكن ابطل اتنفس لما ابتدي اقرى؟؟؟؟
بقولك ايه كلامك رقيق و فيه عنف رقيق ....يعني ممكن اجمل لحن قريته عندك
كارمن هي ليلى التي تعاني في هدوء .....انتي بتشوفي انو في كذا كارمن..انا بشوف انو مفيش كثير من كارمن....عشان الباقيين مبيفكروش زيها
تحية الى عقلك يا استاذة
اميرة
اعذرى مداخلتى
قرأت الان عن كارمن و علمت سبب طعنتها
هى طعنته فى البدايه و سالت دماء الكرامه و الشرف تحت اقدامها
و اخيرا هو فعلها انتقاما او كطريق وحيد لنهايه حياته المذريه التى رفضت هى توسلاته لانهائها
و الان اذا كنت تقصدين كارمن التى اقصدها ارجوا الايضاح
و اذا لا ارجوا ايضا الايضاح لماذا اخترتى كارمن لاننا لن نتعاطف مع ليلى "كارمن"
ايه يا بنتى
حسستينى بالخنقة بجد
قدرتى توصلى احساس الخنقة للقارىء
تحية يا اميرة انتى جميلة
قرأت قصة كارمن للكاتب الفرنسى بروسبر ميرميه
وشاهدت بعض من اوبرا كارمن عن نفس القصه للموسيقار جورج بيزيه
ولم ارى كارمن تتلقى الطعنات حتى وهى تتلقاها
الطعنات من نصيب من يقترب منها حتى لو لم يتلقى الطعنات
كانت متقلبة العواطف كل يوم فى شأن
لانها كارمن
والجندى الباسفيكى الذى احبها
ماذا حدث له؟
احبها بجنون
لانها كارمن
وتحول من جندى الى مجرم خارج عن القانون من اجلها او من آثارها
لانها كارمن
وانتهى الى ساحة الاعدام فاقدا روحه
لانها كارمن
ومحبى كارمن يرونها ضحيه
وهى ضحيه فقط
لانها كارمن
هاي
بجد هايل قوي
بس عندي سؤال
الصور دي بتجبيها منين
ياريت تبقي تشرفيني بالزيارةو في مدونتي المتواضعه
لم يقترب أحد من جرحى كما فعلتى
و لو اني معرفش مين كارمن تحديدا و لكن يمكني اعتبارها من خلال كلامك رمز للحريه و الكرامه و التضحيه
صح يا أميره؟
علي فكره انتي ليكي تاج في ذمتي..مش ناسيه..حيكون البويت القادم باذن الله
:)
تحياتي لكي
السلام عليكم
الكلام حلو
بس الفكره مين كارمن بالظبط
كلنا كارمن يعني
كلنا كارمن فعلا
-------------------
اميرة
يا ريت تزوري المدونه دي
وتقوليلي رايك فيها وفي الفكره والموضوع
http://best-post.blogspot.com/
مهند المصري
nada
الحمد لله إنك سمعتي المزيكا
مش عارفة أقولك إيه يا ندى
بجد كلامك بيحرجني جداً
ـــــــــــــــــ
كارمن
ربما كانت كارمن هناك
مُختبئة في مكان ما بداخلنا
تتحيّن الفرصة للخروج
أو تذوي يومأ بعد الآخر
ربما كُنّا جميعاً كارمن
تحية من عقلي إلى قلبك
lastknight
أراها بشراً
فُتنت بالملائكة
وبالحرية
وأنا.. أكثر المفتونين بهم جميعاً
تحياتي لحضرتك
ody911
يا شيخ ؟
.
.
.
طيـــّب
Blank-Socrate
يا صديقي أنا أرجو مداخلتك
هي نفس كارمن
ولكنه الأدب
أقصد الأعمال الأدبية
سنظل نتفق على أن نختلف في تبني وجهة نظر دون الأخرى
أنت تمنح دون خوسيه أعذاراً لقتلها
لكني لا أري للقتل عُذراً سوى القتل نفسه
لذا فأنا لا أمنحه أيّة أعذار
هو الذي سمح لها بغوايته
هو الذي إتبع أهوائه ورغباته
هو الذي لوّث تاريخه المشرف من أجل حبه لها
وهو الذي إختار لها الموت بديلاً عنه
ماتزعلش مني
كتير ليهم نفس رأيك
ولسه أصحابي برضه
اميرة نبكى كارمن
و هى قاتله
و ندين حبيبها و هو قاتل
اتفق معك فى الحالتين
و لكن لما نجعلها شهيدة
و انت هل تؤمنين بها انها صالحه و انها ليلى
هى لن تكون ليلتى
تخيلت كارمن هي بلدنا اللي بقينا متعودين على صمودها و حاييجي يوم نتفاجئ لما تقع و نقول اشمعنا المرة ده
ربنا ما يجيب اليوم ده
ويجيب يوم تاني نلاقي فيه نفسنا بنجري عليها مع كل طعنه و نمهاجم و نثور بدل ما نقعد نستني الطعنة الأخيرة
يمكن أكون أخدت البوست لمعنى بعيد عن اتللي جواك
بس جمال المعاني الفنانة إنها بتتشكل مع كل قلب ووجدان
وساعات تتشكل مع وجدان واحد لأكتر من حالة ومود
بجد معانيك مدهشة.. باخد فترة لحد ما استوعبها
بع العلم.. بستوعبها كمعنى بمنتها السهولة
لكن بستوعبها كقدرو بمنتهى الصعوبة
تحياتي
ماشى يا ست اميره اول زياره ليه كده تقلبى عليا المواجع وتفكرينا بالطعنات والجروح وخيبه املنا واننا مش قادرين نصرخ ونقول اههههههههه
:))
تحياتى يا قمر مستنيه اقابلك على نار
ولانها كارمن
تعودت على كل شئ حتى بات عليها انا تيئس
من تصور وجود طعنه حمقاء
من الممكن ان تمحو لعنتها ذات يوم
لمستني جدا
بجد مش عارفه اقولك ايه
أرق تحياتي
ياسمين
ميرسي يا ياسمين
وأنا آسفة ماكانش قصدي
تحياتي ليكي
harmless
ولأنها كارمن
فلربما كان الإقتراب منها نفسه
هو الطعنة
ولأنها كارمن
فهي أقوي من أن تصبح ضحية
وأرقى من أن تكون الجانية
تحياتي
خواطر شاب غاضب
أهلاً بيك وميرسي على كلامك
والصور موجودة على النت
أكيد هآجي إن شاء الله
تحياتي
نبيــذ
صديقتي
إن كُنتُ قد إقتربت فآذيتُك
فعذراً
وإن كُنتُ قد إقتربت فشاركتُ فخففتُ عنكِ
فلتسمحي لي إذن
بالاقتراب أكثر
micheal
رمزاً للحرية
أكيــد
رمزاً للكرامة والتضحية ؟
ممممممممم
يعني مش أكيد
هيّا الحرية أكتر
.......
إنت لسه فاكــر ؟
ده أنا نسيت
منوّر يا مايكل
mohandat
وعليكم السلام يا مُهند
زي ما إنت عايز يا صديقي
بس التصنيف متغير
ممكن نكون كارمن مرة
ومرات لأ
ـــــــــ
أكيد جاية
ميرسي
وتحياتي ليك
حلوه قصيده كارمن دي عجبتني
حاسه انها شبهي
الله عليكي يااميره
مش عارف ليه حسيت كارمن اللى بتتكلمى عنها ناس كتير وحاجات اكتر بس مش عارف ان كنت وصلت فعلا لكارمن اللى تقصديها جميله جدا فيها تغلل جامد
مش عارف اقول ايه
أ لأنها كارمن
تملكت قلبي
أ لانها كارمن
لا اقدر علي التعليق سوي بالاعجاب
....
ثم اعود للعنوان
ولا اجد حتي ان اعلق
بوست كلمل
......
الموت اختلافا
رائعه
انا هى وهى انا
بس المقاومة جميلة
شرف
لذة المقاومة والاستمرار
المقاومة اللى بتفارقنى كتير اليومين دول
المهم
انا عايزاكى عندى محتاجة مشاركتك
الموت اختلافا
كارمن اختلافا
والمدونة اختلافا
احييكي بشدة
أميرة
انا مش هضحك عليكى
انا تهت منك وانا بقرا البوست بتاع كارمن
مش عارف يمكن علشان انت تفكيرك عالى شوية؟
على العموم انا بحب المواضيع المباشرة الصريحة اللى لاتحتمل اكثر من معنى
كدا تضحكى عليا؟
تقوليلى الساعة 2 ومش هعرف اتابع
وهدخل تانى وآدى وش الضيف ؟
ماشى
على العمةم هستنى زيلرتك بس ياريت تكون الصبح
وبلاش سهر يا اميرة
we can
تحياتي وتقديري لكل كلمة سطرها قلمكِ المبدع
وعن صدق كم جميل هذا الابداع الوقي الصادق
أستمري على هذا النهج والدرب
وسنراكِ يوما في مصاف الشعراء والادباء
لك موفور الصحه والسعاده
تحياتي
Blank-Socrate
أنا لا أبكيها
هي ليست في حاجة إلى أحد
وهي ليست بقاتلة
ولا شهيدة
هي مجرد بشر .. راهنت بحياتها على فكرة ما
ورفضت الهرب أو الكذب .. وواجهت
وخسرت رهانها وحياتها .. وماتت
ولايزال ماراهنت عليه حيّاً .. كما ترى
لك ماتريد ياصديقي
لن أعارضك أبداً فيما يخصك
Hannoda
بصراحة
المعنى ده خطر على بالي بعد ماكتبت البوست
بس ماتخيلتش إن حد هيتكلم عنه
أولاً لأنه بعيد
ثانياً لأنه مش قصدي الحقيقي من كلامي
هانودة
بجد
ليكي chapeau
بقالي كتييييير ماإنحنتش تحية لحد
سهر الليالى
أماني
كده أزعل منك
هتتجنّي على الناس ليه ؟
إحنا بنقول آه براحتنا خالص
بس ماحدش سامع
أو كل الناس سامعة
ومطنّشة
غريبة قوي
أنا عمري ما قلت آه
دايماً باقول لأ
فاهماكي و باستعبط
ـــــــــــــــــــــــــ
طبعاً بعد ما إتقابلنا
عرفت كنتي مستنية على نار ليه
ماشي يا أماني
ماشي
أنا مستنية بقى آخد بتاري المرة الجاية إن شاء الله
وميرسي بجد على التوصيلة
محض روح
أنا لا أتمني زوال لعنتها
بل على العكس
لن أعرفني بدونها
أرى كارمن بداخلك أحياناً
ولا أنا غلطانة ؟
meroooo
أهلاً وسهلاً بيكي
كلمة قصيدة دي
كلمة كبيرة قوي
حلوة طبعاً
بس كبيرة
نمشيها تدوينة كارمن
لو شبهك
يبقى تخلي بالك من روحك
علشان الحياة ممكن تكون متعبة شوية
لأ
شويتين
westtewest
يا صديقي
شوفها زي ما إنت عايز
ناس
حاجات
كائنات
مشاعر عابرة
وطن زي ما قالت هانودة
المهم إنها موجودة
وما ينفعش نتجاهلها
نرفضها .. ممكن
لكن نتجاهلها ؟
تبقى قمة القسوة
إنت من الناس القليلة اللي مابترضاش تتجاهل حد
حتى لو كُنت رافضه
حتى لو كُنت شايفه غلطان
فاكر تدوينة شريط القطر ؟
مجهول
يا دكتور
ياااا دكتور
كل ده ؟
ومش عارف تقول إيه ؟
بجد
أنا اللي مش عارفة أقول إيه
....
العنوان
ما إنت عارف
البوست الجاي إسمه ... الحياة إتفاقاً
واللي بعده ... الموت إتفاقاً
برضو
مفيش فايدة
mariam
مريــــم
أوعي
كده يا مريم
تبيعيني على الناصية ؟
وأنا عمالة أقول لأ
فيه ناس كتير لسه
وأشجع في نفسي وأتشجع بالناس اللي زيّـك
عمومأ إنتي حرة
أنا باهزر طبعاً
ـــــــــــــــــ
حصل يا فندم
إنت تؤمر يا جميــــل
لأنها كارمن
تظل رغم الطعنات كارمن
بوجع أكثر
و عين شاردة
و بقايا ندى فوق الجبين
_________________
حلوة اوى يا اميرة
كالعادة
أقولك إيه بقة يا أميرة
الموضوع محير بجد
وعادى بقة
أودى
هل كرمن تشعر باللذه لكثرة الطعنات يبدو انها كذلك,وما سبب تعدد الطاعنين قد تكون هي السبب بغرورها أو أحبت أن تمتلك كل معجبيها أو أن من طعنوها رأو فيها شئ قبيح فتكاتفوا علي طعنها والا ما سبب هذا الانبطاح والخنوع وسبب تعدد الطعنات
تصدقي انا جيت كام مره لغايه دلوقتي؟
والله اكتر من عشر مرات
قريت فيهم الموضوع
وكل مره مش ببقي عارفه اكتب تعليق
يمكن علشان بحاول افكر ازاكانت هيا الضحيه ولا بتتظاهر؟
يمكن علشان مش عرفه سبب طعنتها ايه
وهل هيا الي بتدفعم لكدا؟
يمكن علشان شايفه انها حاكم ومحكوم
وضحيه وقاتل في نفس الوقت
ظالم ومظلوم؟
كارمن مثال لحجات كتيره اوي بالنسبه ليا
مواضيعك بتخليني افكر بشكل مختلف خالص يا اميره
تسلم ايدك يا قمر
sendbad
بجد مش عارفة أرد عليك
بجد
كنت عارفة الرد اللي هاكتبه
قبل ما أزور مدونتك
لكن دلوقتي
مش عارفة أقولك إيه ؟
ينفع أحييك بشدة أنا كمان ؟
Ahmed Moghazy
أهلاً يا أحمد
مش عيب ولا غلط إننا أحياناً مانفهمش بعض
مش عيب فيك ولا عيب فيّا
وخصوصاً في الكلام الغير مباشر زي ما بتقول
علشان كده إنت معاك حق
.....
معاك حق برضه
أنا آسفة بجد
بس أكيد إنت عارف يعني إيه خطفة
أنا فجأة إتخطفت في كذا حاجة
والموضوع عندك بصراحة محتاج تركيز
يرضيك يعني أقرا وأعلق من غير تركيز ؟
أما بالنسبة لموضوع السهر
فالموضوع مش كل يوم يعني
عموماً
ميرسي على النصيحة يا فندم
مهندس زراعي
يا أهلاً يا فندم
بصراحة
كلام حضرتك كبير قوي
عليّا وعلى الموضوع نفسه
عموماً ميرسي قوي
شرفتني وتحياتي ليك
شكرا لاهتمامك بالرد وتحيتك وصلت
أنا حرة
ميرسي قوي
ody911
محمود
بذمتك أنا كان المفروض أفهم إيه من تعليقك الأولاني
داخل تقولي أغنية لليلى مراد
هاقولك إيه يعني ؟
ماعلينا
ما أنا قولتلك قبل كده
مهما إتريقت
مش هاتغاظ منك
عادي يعني
هزار
هزار
هزار
masry
مبدئياً
يعني إيه إنبطاح وخنوع ؟
لو أنا فاهمة صح
فهما أبعد ما يكون عن كارمن النص الأصلي
أو كارمن اللي في التدوينة
......
مش فاهمة برضه
حضرتك وضعت 3 إختيارات أو مبررات
المفروض أختار واحد منهم ؟
لا أقول وجهة نظري أنا ؟
عموماً
لو قلت لك إن الطعنات ممكن تكون معنوية
الفكرة هتوضح أكتر ؟
و تحياتي ليك
أيّا كان رأيك
gohayna
أهلاً يا جي جي
الموضوع بسيط للغاية
كارمن ما هي إلاّ قيمة
فكرة
أو .. أسلوب حيــاة
والطعنة ما هي إلاّ رفض
رفض لإختلافها
أو رفض لأفكارها
أو رفض لها هي شخصياً
والمشكلة مش في الرفض
المشكلة في قسوة التعبير عن الرفض
أكيد كده فهمتيني
sendbad
أنا اللي باشكرك
علشان عرفتني على مدونتك
بجد ميرسي
عذرا يبدو لي أن قراءاتي السياسيه جعلتني أقحم مرادفاتها في كل شئ
أنبطاح: أستسلام يأس
كلمات رائعة
ومعبرة للغاية
تحياتني لقلمك المبدع
السلام عليكم
اميرة
كيف حالك
-----------
بالنسبة للمسابقة احنا بنقبل الترشيحات حاليا وهيبدأ التصويت من بداية شهر خمسه
يا ريت ترشحي احدي موضوعاتك
علشان تدخلي معانا المسابقة
ههههههههههههههههه
واللهى يا أميرة ما بتريق
لما بكتب جزء من أغنية أعرفى على طووول
إنى مش عارف أعلق على الموضوع وأقول حاجة
فبعلق بأغنية وخلاص
أوك
وعادى بقة
اودى
masry
يا فندم o.k
أنا كده فهمت
وميرسي قوي على إهتمامك بالتوضيح
صاحب البوابــة
ميرسي جداً
على كلامك
وعلى زيارتك
تحياتي ليك
mohandat
وعليكم السلام يا مُهند
أنا تمام الحمد لله .. إزيـّـك إنت ؟
......
ميرسي يا مُهند أنا كده فهمت
بس أنا ماعنديش حاجة أرشحها
وبعدين أنا عجّـزت على المسابقات
خللي الأجيال الجديدة تآخد فرصتها بقى
هيبقى إحنا واللي بيحكمونا كمان ؟
أنا هاكتفي بالتصويت بس
ده بعد إذنك طبعاً
وميرسي قوي يا صديقي
ody911
ماشي يا محمود
يعني أنا أتعامل مع تعليقاتك
بطريقة أجمد سبعة الساعة سبعة
وأقيس على مستوى الأغنية مدى إعجابك باللي أنا كاتباه
حاضر
إكتب اللي إنت عاوزه
بس عندي طلب
مهما كُنت كاتبة حاجة مش عاجباك
بلاش أغاني سعد الصغير
ربنا يخليـــــــك
اجاوب على السؤال
اولا
بالنسبه للعنه انا معاكي صعب نعرف كارمن من غيرها
هتفقد جزء كبير
من نفسها
في حجات كتير فينا بيكون مرجعها امرضنا ولعنتنا
والاستغناء عنها معنا
استقطاع جزء منا
وعلى فكره
كل الصور الي بنصنعها وبنتعاطف معها مابتكنش غير الإستنساخ ناقص لأشكال فينا
كلنا كارمن يااميرة
بس كل واحد فينا مختلف
في رؤيته
ليها
تحياتي ياجميل
وياريت مكنش طولت عليكي
بحب اتكلم عندك اووووى
:)
Post a Comment
Links to this post:
Create a Link
<< Home