الاخت المحترمه العزيزه اميره بعد خالص تحيتي وسلامي لك وسعادتي بتشريفي في مدونتي المتواضعه لقدر شخصك المفكر و المبدع ربما تكوني قد قرأتي تعليقي عند استاذه هيباتيا في موضوعها ولها الفضل في ان اعرف عقلا مثلك يفكر وينقد ويحاول التغيير ........ ما أردت الا ان احييكي علي موضوعك العقلاني الجدير بالاحترام السابق الذي فاتني وللأسف التعليق عليه لعدم علمي بتدوينتك الرائعه الا صباح اليوم عند مدرسه سيده الحضاره .......... وصراحه لا اريد اختلافا في الفكر معك بل اتفاق وحتي لا تحسي يا سيدتي الفاضله اني انقد من اجل النقد فقط .. لا لشئ الا للنقد ........ ولنتفق علي نقطه كلما اختلفت معك كلما زدتي عندي حبا واحتراما .......... ولنتفق علي اخري ان الروح التاريخيه او الثقافه التاريخيه للشعوب ماهي الا نتاج كفاح وعمل قادر علي شحذ الهمم للمستقبل فبتاريخنا نعتز ونحترم ومنه نتعلم وبه وعلي ضيائه ومناقبه نسلك طريقنا للمستقبل المشرق ........ أولا اشكرك علي افاداتك العظيمه جدا لي في مجال تاريخ الفراعنه ونظره الاخرين لهم فقد اتي اصحاب اللا حضاره ليملوا علي اصحاب الحضارات الضاربه بجذورها في الزمن نظرتهم لتاريخهم واري معك كل الحق في ذلك فتاريخنا القديم من بدايه عصر الاسر والي الفتح الاسلامي كان مفخره ونهضه فاقت حدود تصور البشر يجب ان تخلد في الكتب و يتوارثها الجيل بعد الجيل .............. ولنكن عادلين فالتاريخ الاسلامي للحضاره التي قدمت عن طريقه لم تكن قليله لتختذل في صفحات هي الاخري فمن صنع مجد الحضاره الاسلاميه غير علماء خرجوا من بلادنا وبلاد اخري وقله قليله من علماء ظهروا من البلاد التي ظهر فيها ابن سينا و الخوارزمي و المقريزي و الرازي و الادريسي والفارابي وابن رشد وابو حامد الغزالي و ابن القيم وغيرهم عشرات من علماء وافاضل اضافوا دررا للحضاره الاسلاميه وجب علينا الاهتمام بها حق اهتمام واخذ حقها في التاريخ .............. معك ايضا فيما ذكرتي من صفات وعيوب في مجتمع الوثنيه قبل الاسلام ونظرتهم بالاستعلاء علي مادونهم من المسلمين ليس لشئ الا لخروج المصطفي من بينهم وكأن مجتمعهم كان يوتوبيا وجنه الله علي ارضه ......... معك بالطبع في كم التفاهه في منع الاحتفال بالاعياد المتوارثه جيلا بعد جيل ولكن ليس هناك متسع للرد المبسط علي التشدد الان أعذريني لاني بتعب بسرعه ......... ارجو ايضاح نقطه بسيطه تاريخيا يجمع المؤرخون علي ان انقسمت الطبيعه الاجتماعيه في مصر بين حكام ومحكومين فالفراعنه كانوا طبقه من الحكام متوارثه بكل ظلم واستبداد وربما لم تكنت هناك ديموقراطيه علي ايامهم والشريحه الاخري وهي الشريحه التي صعدت بما يسمي الفراعنه الي عنان التاريخ وهي قدماء المصريين فمنهم المهندس والفلاح الفصيح ومنهم الفلكي والطبيب والعامل الذي بني العجائب واذهل العالم فلم يكن فرعون واحد به صفات كتلك بل كانوا حكاما فقط لاغير يديرون بلادا بظلم وعسف وفساد ولنرجع لتاريخ الحضاره المصريه ومقالات وكتب قتلت حضارتنا بحثا لايتسع المجال للاشاره لها ..... دينيا فرق الاسلام بين الفراعنه كحكام وبين متبوعيهم من مصريين قدماء فلقد كفر فرعون ومن حوله بالرساله وصدق المصريين موسي في قصه السحره الشهيره وغيرها من قصص اشار العزيز الغفار فيها لكم القهر الواقع علي شعب بلد من قمع وعذاب علي يد حكامه ككلمه لا أريكم الا ما أري علي لسان فرعون موسي وعليه وجب علينا تفرقه جذورنا المصريه القديمه من الفاظ ومفاهيم فنفرق بين ماهو فرعوني وبين ماهو مصري قديم من ابناء هذا البلد الذين بنوه ......... بالنسبه لموضوع الهويه اتفق معك تماما علي تمسك كل انسان بجذوره وهويته ولكني اختلف في نقطه معينه فقط في التجمع قوة وفي التفرق ضعف وجب علينا جميعا البحث عن هويه مشتركه والا يترك الموضوع سداح مداح فيخرج من يتبعون هويه فارسيه ومن يتبعون هويه كنعانيه وبابليه وفرعونيه فالحديث عن الهويه ماهو الا محاوله للجذب و التجمع لا التفرق فهويتنا في مصر مصريين قلبا وقالبا تاريخنا واحد وجذورنا واحده وهويتنا بالمنطقه عربيه تاريخ ساهمنا به و اضفنا عليه وعظمناه وبالنسبه للهويه الدينيه السنا محتاجين لها ايضا في احيان ما اذا لم نجد اتفاق في التاريخ والحضاره فهويتنا الكبري اسلاميه ومثال ذلك المسلم والمسيحي في مصر هويتهم مصريه المصري و السعودي هويتهم عربيه قوميه العربي والايراني والالباني والاندونيسي هويتنا اسلاميه وكلنا في العالم بهويه انسااااااااااااان هكذا يا سيدتي الفاضله وللامثله المئات من طرق جمع الهويه للوصول الي المستقبل امريكا بما فيها من لاتينو اصليين هنود ونيجرو سود افارقه وعرب ويهود هويتهم واحده امريكيه اوربا هويه واحده رغم ضرب كل امه لجذورها في مناطق بعيده ويمكن معاديه للامم الاخري فالبحث عن الهويه يجب ان يرسخ فينا ونعلم من نحن مسلمين عرب مصريين بلا اي ترتيب نجمع من تاريخنا الثلاثي ما نحدد به مستقبلنا ........... اخيرا بالنسبه لأكتوبر المجيده ليست حربا ضد دين من قبل دين اخر ولم تكن غزوه كما اتفق معك انما كانت حربا للتحرير بدافع من حمايه الهويه المشتركه كمصري مسلم ومصري مسيحي فالله اكبر بدافعها الديني جعلت من الحرب امرا غير مستحيل لتجمع بين كل الامه ولم تدل علي هويه اسلاميه بل دلت علي هويه مصريه بحته تأثرت بحضاراتها علي مر العصور واثقلتها الي ان خرجت دفاعا عن ارضها بوازعها الديني الذي يشحذ النفوس عند مسلمي ومسيحي مصر فالله اكبر متفق عليها للجميع فلا اكبر غير الله وبوازعها العربي للنضال من اجل فكر الاستعمار الذي حطم كبريائنا ووازعنا المصري البحت للدفاع عن تراب وثري امه افديها بدمي للتحرير ....... الحديث واسع وخصب وحاسس انك ممكن تتعبي من البص في الشاشه .......... الحديث معك يجعلني احس انك امامي نتحاور فأنت انسانه راقيه ومحترمه ومبدعه وما اختلافي الا كلمات انسان لإنسان لا نبغي من ورائها الا نهضه هذا البلد واعلم اني كترت عليكي لاني فعلا رغاي بس ان جيتي للحق مدونتك من اجمل المدونات التي ارغب في ان اكون صديقا لها فأصحاب الفكر نادرا ما أجدهم يهذا الشكل من الرقي تحياتي يا مبدعه الفكر و صاحبه العقل دمتي بخير وسعادتي كبيره لاني اول من يعلق علي موضعك رغم اني كأني بعلق علي الموضوع اللي فات هههههههه مرتبط بيه برضه
يا أهلاً يا اهلاً وأنا أقول البلوج منوّر ليه .... كل ده ؟؟ خالص والله ده أنا لسه بقول يا هادي .... هادخل في الموضوع على طول علشان أنا عارفة قد إيه حضرتك محاور وناقد جيد جداً وإختلافك دائماً يأتي في إطار غاية في الأناقة والإحترام ..... جميع من ذكرتهم وغيرهم ممن أثروا الحضارة الإنسانية يستحقون عظيم الإحترام والتقدير، ولكن هل من العدل أن نقرر أن نبوغهم كان نِتاج الدين وحده ؟ هل من العدل أن ندرس تاريخ العرب وفتوحاتهم دون أن نعرف شيئاً عن تاريخنا المصري بمراحله الكاملة مَن مِن غير المتخصصين يعرف من هو فتاح حتب وماهي ماعت وأين تقع أون أول عاصمة مصرية ولا حد عارف بس عارفين تاريخ الحضارة الإسلامية كويس وبمناسبة الحضارة الإسلامية أنا عاشقة للتاريخ لكن مش دارساه أنا دارسة فن وكفاية أقولك إن في بعض المساجد القديمة زي عمرو بن العاص وأحمد بن طولون فيه أحجار عليها بعض الموتيفات الفرعونية !!! مع إن المقطم بحاله على بعد خطوتين و حكاية كنيسة القديس يوحنا في جرش بسوريا وتحولها على يد الوليد بن عبد الملك إلى جامع دمشق حكاية معروفة وبمّا إن الطرز الإسلامية إختلفت من بلد لبلد حسب الثقافة اللي سبقت دخول الإسلام فده دليل واضح على التأثر ومش عايزة أقول الإقتباس بنظرة بسيطة للموتيفة الإسلامي في مصر ومقارنتها بمثيلتها القبطية هتشوف الفرق البسيط وهو إختفاء تقاطع الخطوط في المنتصف وده علشان في العقيدة الإسلامية لا توجد فكرة التجسد حاسة إني برغي في حاجة تانية خالص بس أدينا بنتكلم ...... أنا إعتراضي على حاجة تانية خالص ..... بصراحة الحركة الوهابية اللي أنا باسميها الفكر البدائي الهمجي واللي بتتلخص في إتباع السَلَف وكل ما عداه كُفر واللي بصراحة أكتر مِستلّمين مصر بالذات لأن اللي عمله محمد علي وإبنه إبراهيم باشا فيهم ماكنش بسيط مع إن محمد علي ماكنش مصري أصلاً طول الوقت إهانات للمصريين وعاداتهم وترهيبهم من الحفاظ على تاريخهم لو تعرف إيه اللي بيتقال على مصر لو تعرف إيه اللي بيتقال على ماريّا القبطية لو تعرف إيه اللي بيتقال على علماء المسلمين المصريين زي محمد عبده ومحمد رشيد رضا ولاّ الرموز الحديثة بقى جمال عبد الناصر والسادات ونجيب محفوظ ولحد أحمد زويل ده غير شم النسيم والسبوع وليلة الأربعين وزيارة الأولية ولحد الأمثال الشعبية أستاذي الفاضل جاءنا من الأراضي الحجازية حديثين منسوبين للرسول صلى الله عليه وسلم وغير موجودين في الصحيحين تناكحوا تناسلوا فإني مفاخر بكم يوم القيامة ومن رأي منكم منكراً فليغيره بيده فإن لم يستطع فبقلبه فإن لم يستطع بلسانه وهذا أضعف الإيمان أنظر يا سيدي الفاضل ماذا حدث لمصر حين إتبع مسلموها تعاليم السلف مش مهم مصر المهم السلف الصالح يرضى عنّي ..... أوافقك ولو بتحفظ بسيط على فكرة عدم وجود ديموقراطية في فترة الحكم الفرعوني لمصر فالحكم الديني ذاته يمحو الفكرة من أساسها وهو ده اللي إحنا بنعاني منه دلوقتي بشكل ما لكن خلينا نتكلم على المجتمع نفسه على العدالة الإجتماعية اللي من غيرها كان مستحيل يكون فيه تاريخ ولاّ حضارة ولاّ فلك وطب وهندسة ولاّ تقويم شمسي ولاّ فكرة الإله أصلاً وبما إني مش متخصصة فأنا هألح شوية على الأستاذ شريف الصيفي يكتب تدوينة في الموضوع ده ...... موضوع الهوية لا زلتُ مصرة الدين عقيدة وليس هوية وإلاّ لماذا نَعيب على يهود أمريكا مثلاً إنحيازهم لدولة إسرائيل وإستغلال نفوذهم لصالح مواقفها ؟؟ ولماذا نندد أصلاً بالأساس الديني الذي قامت عليه إسرائيل ؟؟ وأختلف معك أيضاً في أن الدول الأوروبية تحمل هوية واحدة فالتاريخ واللغة والثقافة والقوانين الداخلية وحتي العادات والتقاليد مختلفة وإن إتفقت العقيدة والمصالح الإقتصادية ...... موضوع ستة أكتوبر بقى أنا جبت من الآخر وقلت أسمّع الناس خطاب الرئيس السادات بصوته مش نقلاً عنه علشان نعرف حاربنا ليه علشان الإسلام ودخول القدس ولاً علشان العدل زي ما قال السادات اللي كلنا عارفين مين اللي قتله ...... أستاذي الفاضل أنا رغيت كتيييييير قوي وأقترح عليك تقرا ردي على مرتين علشان تقدر تيجي تاني بس زي ماحضرتك قلت الواحد نادر لمّا بيلاقي حد يتكلم معاه بعقله تحياتي الشديدة وعظيم شكري وإمتناني لزيارتك
أختي الغاليه وصديقتي المحترمه اميره تحيه وتقدير علي ردك الوافي الذي اوضح لي نقاط غابت قليلا عن خاطري .. واديني جيت تاني وقريت ردك اكتر من مره لدسامته الفكريه و العقليه ولا اجد ما اختلف فيه معك ولا اجد الا اننا بفكرنا وصلنا الي نقاط عديده مشتركه ...... اتفقنا ان ظلم جائر واقع علي تاريخنا بجميع مراحله ولم انفي في ردي السابق ذلك ولم ادعو لشطب تاريخي المصري القديم العظيم وقصره علي تاريخ يبدأ من الفتح الاسلامي بالعكس اطالب بإعطاء الحق لكل علي حده والوصول الي غايه الدراسه للتاريخ وهي جعله دافع وليس مجرد ذكري وعبر ....... اتفقنا ان النبوغ لم يكن بدافع الدين وحده بالطبع ولولا اختلاف الاهداف لما خرج الا دعاه وائمه فقط ........ عن الفن تكلمتي وابدعتي بصراحه واتفق معك تمام الاتفاق علي قولك ان الحضاره الاسلاميه تأثرت بحضارات أخري ومن غير عاقل ينفي ؟؟ فما الحضاره الا نتاج افرازات الامم وما الفن الا ابداع متوافق مع معطيات كل امه فإختلاف الفن الاسلامي في بلدان كثيره يدعم كلامك عن فكره التأثر كالشام ومصر لها نوع معين وحضاره بلاد العراق وماوراء النهرين و الهند لها نوع أخر من الفنون وتونس والمغرب العربي وبقايا حضارات الاندلس لها مسلك أخر وربما معك تماما في فكره النقل لكنها لم تكن بدافع طمس الهويه وان حدث بعض مما ذكرتي كمسجد دمشق وعمرو بن العاص فهي احداث فرديه ولم تكن خطط واستراتيجيات للمحو الثقافي الموروث للبلاد الجديده علي الاسلام والا فلما بقيت مئات الادله والاثار علي ذلك والقياس بالقياس يذكر من خلال الزيارات لاسبانيا ستجدي المساجد قد حولت الي كنائس ولا داعي لدخولنا في قضيه اخري كما تفضلتي وذكرتي ....... اتفق معك جدا فيما قلتي بحق الحركه الوهابيه ومن دراسه وتلاقي للافكار مع أخرين يؤمنون بها اجد انها حركه لا تخرج عن كونها فكريه برؤية معينه وزاويه بعينها تطل علي الاسلام وأري اختلافها في نقاط عن صحيح التسامح الودي للاسلام الا نتاج مرحله بعينها انجبت حركات شبيهه كابن تيمه رحمه الله وابو الأعلي المودودي رحمه الله وغيرهم واتفق معك وربما ذكرت عن نظرتهم الاستعلائيه لما دونهم من المسلمين فقط لخروج الرسول منهم ويعطوا لأنفسهم الحق في تقويم الاخرين وللعلم فقد قضيت خمس ساعات متواصله منذ اعوام احاور اخ فاضل عن الحركه الوهابيه ورؤيه الفكر السلفي للعصر وهو يختلف تماما عن المفهوم الصحيح للدين الوسطي السمح ولا يتسع المجال للكتابه عن الموضوع اكثر ويكفي ان من كفر اشخاصا كشيخي محمد عبده واستاذه جمال الدين الافغاني وتلميذه محمد رشيد رضا وحجه الاسلام ابو حامد الغزالي ومفكر الاسلام ابن رشد وغيرهم ممن جاؤوا بعلم غريب عليهم ويكفي ايضا من يهاجم زعمائي عبد الناصر والسادات وادبائي وعلمائي ويهاجم عاداتي وتقاليدي بدون اثبات وموضوعيه ورقي في الفكر والحوار لا يستحق ردا الان ولنكن منصفين فهناك حركه هائله لتطوير الفكر الوهابي تحدث في السعوديه وادخال محدثات العصر ومطلباته وهناك اخرين مثقفين ممن لهم فكر محترم يتكلمون بموضوعيه ولنا حوار اكيد في وقته لمناقشته بإستفاضه .......... عندما تكلمت عن الحكم الفرعوني تكلمت عن اقويل تاريخيه وروايات دينيه فأنا لم اعاصره بالطبع وانتظر المفكر والعلامه الدكتور الصيفي لينير لنا من علمه ......... قضيه الهويه اري اني سعيد جدا لإختلافك معي رغم اني لم ادعو فقط لهويه اسلاميه وارجو ياسيدتي الفاضله اعاده قراءه الجزء الخاص بها في تعليقي فلم ارد بها غير عامل جذب وتوحد اذا لم نجد هويه اخري جامعه مع من تجمعنا بهم مصائر مشتركه ........... عارف اني رغيت تاني بس صراحه كلامك ممتع وايدي بتجري مني علشان اكتب واتفق معاكي قبل ما اختلف تحياتي لذوقك الراقي واحترامك وشكرا يا سيدتي علي وصفك ليا بالمحاور لكني ولا محاور ولا حاجه انا ابحث عن شيئان لو رأيي خطأ اعدله ولو صواب اثبته دمتي بسلام
تلقيت دعوه من يومين من زميل مدون عزيز ..محمد التهامي لحضور ندوه عن المدونيين في مصر بمجله كلمتنا 22 ش سوريا المهندسين..الدور ال8 ..عماره جريده الوسيط بالقرب من جامع مصطقي محمود..و تم تحديد الميعاد يوم 4-4 الساعه الواحده و النصف...الللي ناوي يجي يا ريت يسيبلي تعليق عشان أبقي عارف و عامل حسابي و أقول لمحمد متخافوش مفيش حد مننا متراقب
خطاب قوي و مؤثر و لكن المشكله في اللي حصل بعد الخطاب و اتفاقيه كامب ديفيد التي لم تنصف مصر اطلاقا و أبخست حقها في أمور كثيره..بصي هوا الموضوع يطول شرحه و لكن أقدر أقول انا بحترم السادات القائد اللي حارب و اتصر و لكني مختلف معاه فيما بعد الحرب تحياتي لكي
امال الي مقبوض عليهم دول اتقبض عليهم ازاي و بالذات من اللي ليهم رايء و رؤيا لية محبوسين في عربية امن مركزي امام مدرسة في الجيزة يعني لا في حبس و لا زنزانة
تحياتي لصاحبة المدونة الجميلة و اسف للتعليق عندك بدون استاذان
أهلاً بيك طبعاً أنا أحب أعتذر لك لأني قريت تعليقك الأول مرة تانية وفهمت قصدك المرة دي حضرتك تقصد البحث عن هوية مشتركة مع البشر جميعاً على إختلافهم لإيجاد نوع من التقارب بينهم عليّا نور ولاّ لسه برضه ؟؟ هههه فكرتني بخناقة لطيفة حصلت في دهب بين سائح من الهند وبائع تذكارات صومالي ده بيقول مصر أسيوية ويشهد بأرض سينا والتاني بيحلف إنها أفريقية ويحلف بباقي أرض مصر وإحنا طبعاً واقعين من الضحك ..... والله مصر دي حكاية هوية عربية تلاقي أفريقية تلاقي أسيوية تلاقي بحر متوسط تلاقي كل حاجة واللي يشوف من جوه يبكي من قلبه ..... موضوع كنائس أسبانيا معلوماتي بتقول إن بعد سقوط الأندلس تم تنصير المسلمين في أسبانيا وترحيل من أصر على إسلامه ، لم تعد هناك حاجة للمساجد يعني الموضوع مافرقش كتير بس المشكلة إن فيه ناس مش راضية تصدق لا هناك ولا هنا ....... أنا معرفش حاجة عن محاولات تطوير الحركة الوهابية معلومة جديدة أشكرك عليها ولازم أقعد أدوّر في الموضوع ده بس اللي حصل حصل خلاص .... سيدي الفاضل أنا فقط أريد توضيح موقفي لم يكن هدفي قط هو إبخاس حق عالم جليل أيّا تكن جنسيته أو هويته أو البحث عن أخطاء لأي شخصية تاريخية خانها المنطق وغلبتها الأهواء في لحظة ضعف أو إهدار قيمة حضارة إستمرت أكثر من أربعة عشر من القرون هدفي كان أن نرفض أن نستمع لمن يحرّم علينا هويتنا المصرية ويفرق بيننا وبين آخرين يحملون هوية مصرية مثلنا جميعاً بل إسمح لي هويتنا القبطية فقط لأني أرفض مبدأ أعلو حينما يسقط الآخرون ولمّا حد يحاول يعمل لنفسه تاريخ على حساب تاريخي لازم أقوله look who's talking يعني كان رد فعل للي قريته مش أكتر ........ شرفتني وحياة ربنا بس برضه الدين عقيدة مش هوية
الإختفاء العظيم لا ياعم كلمتنا مجلة صغيرة عليّا أنا كبرت يا صديقي بس لو ميكي هآجي طبعاً هههههه ..... طيب هه سمعت ؟؟ هه طيب جيت ؟ الحمد لله ..... أسفة يا مايكل مش هينفع أرد عليك لازم تقرا البوست اللي فات علشان نعرف نتكلم بس على العموم أنا مقصدش أقول السادات حلو ولا وحش ده موضوع إتفتح في البوست اللي فات وكانت النتيــ .... يووووه أقولك إقرا البوست اللي فات وتعال نتكلم
عجبنى فى كل الحوار ده اللى مليان كلام جميل ومجاملة لذيذة وتشكرات لطيفة كلمتين بس انتى قولتيهم ان الدين عقيده وليس هوية انا اوفقك الرأى على ان الدين عقيدة ومعنى الهوية بعيد تماما كل البعد عن معنى العقيدة ولا يوجد تشابه بينهم الهوية تساوى رعوية او جنسية دولة ما وده المعنى اللغوى بتاع كلمة هوية مثال اليمنى المصرى الصومالى الامريكى العراقى الاسكندرانى كده يعنى اما العقيده ده شىء مختلف فعلا العقيدة هى الافكار الدينية او الروحانية التى يتخذها الانسان منهج لحياته ويطبقها فى معظم معاملاته زى المسلم المسيحى البوزى الماجوسى كل دى ديانات والبعض منها معتقدات
بس ده تعليقى ويا ريت اكون فهمت الموضوع صح ورديت عليه ومخرجتش عنه لانى بصراحة انا مكنتش فاهم حاجة خالص وقولت استنى لما اشوف التعليقات بتقول ايه ومفهمتش حاجة برضو الا الكلمتين اللى انتى قولتيهم بتوع الهويه والعقيدة وبصراحة عجبونى اوى اوى يا اميره وعايز اقولك على حاجة انا من حقى كمدون وكصديق انى اطلب منك بعد كده المزيد من التوضيح فى باقى البوستات عشان اعرف الدنيا ماشيه ازاى وشكرا ليكى يا ست الامرة
يا صديقي التدوينة دي مش تدوينة دي تسجيل صوتي لخطبة السادات اللي بيتكلم فيها عن غزوة ستة أكتوبر وبيقول إزاي المسلمين بــــــــــــس حاربوا اليهود وكسبوا المعركة تحت شعار إسلامية إسلامية بس خلاص الموضوع بسيط والله ...... التعليقات اللي هنا دي إستكمالاً للموضوع اللي فات بس خلاص برضه ...... وحياة ربنا إنت شرحت الموضوع أحسن مني مع إن أنا اللي عمالة تفتّح في المواضيع تسلم يارب بس من الواضح يا أيمن إن الناس اللي إختاروا يكونوا مسلمين بمزاجهم ( على طريقة رحلتي من الضلالة إلى النور ( همّا اللي مقتنعين بموضوع العقيدة والهوية بس فيه إستثناءات طبعاً .... إنت تأمر يا فندم
بس مين شاهبندر التجار ده ؟؟ ههههههههه والله لادوّخك
أميره الفاضله .. أولا شكرا على خطاب الراحل العظيم .. رحم الله الرجل .. نحتاج الأن لمن يذكرنا بأيام جميله مجيده ثانيا شكرا على صالونك الثقافى الراقى الذى ضم أمثال الرائع مجهول .. و أعتز باختلافى معه فى بعض الجوانب .. و مصدر اعتزازى هو أنى متأكد من أنه خلاف مع شخص راق و متحضر .. أذا مرحبا بمثل هذا الخلاف الذى سيثرى و ينير .. و لا ينتقص أبدا أتفق معك فى أن الدين عقيده و ليس هويه .. و هناك نظريه قد أتناولها بالشرح التفصيلى فى مدونتى لاحقا .. النظريه تقول نصا : عندما يتحول الدين ألى قوميه .. فهو يكف عن كونه دينا .. ولا ينجح أبدا فى تقديم قوميه بديله نعم الدين عقيده.. علاقه خاصه بين العبد و ربه المعبود بالاختيار الحر و اليقين المترتب على هذا الأختيار .. أما القوميه فهى لا تخضع للأختيار .. و من نص لقرآن الكريم لا أكراه ف الدين و أيضا من شاء فليؤمن و من شاء فليكفر بمعنى أن الدين اختيار حقيقى .. بينما من نص ذات الكتاب الكريم الذى لا يأتيه الباطل من بين يديه و لا من خلفه حسب اعتقادى الأختيارى نجد النص الصريح و خلقناكم شعوبا و قبائل و هو تماما كنص: و خلقناكم من ذكر و أنثى بمعنى .. ان القوميه و هى الأنتماء لشعب أو قبيله جزء من خلقة الأنسان لا اختيار له فيها .. تماما كجنسه .. فلا اختيار للفرد فى أنه ذكر أو أنها أنثى و بالتالى .. فالتعامل مع الدين و هو العقيده .. يختلف تماما عن التعامل مع القوميه التى هى انتماء لشعب أو قبيله و هنا مربط الفرس .. نص القرآن أيضا .. ألحق بخلقنا شعوبا وقبائل مبرر هو .. لتعارفو و لم يذكر أبدا بأى أشاره أن يطغى شعب بعاداته أو تقاليده على شعب آخر .. أو يفرض عليهم تصوره للعقيده فى خلط مشوه بين الدين .. و القوميه فعلا أستعجل رأيك و رأى العزيز المجهول الذى اسجل اختلافى معه .. فى صورة احترام بالغ لرأيه .. سعيد بالتواصل الراقى وشكرا مره أخرى لضيافتك الكريمه
بالنسبة للهوية فى رأيي المتواضع أعتقد انها تجميع نهائى لتاريخ الانسان فالمصرى بطبيعة مصر الخاصة يمتلك هوية مختلطة ولا يستطيع التخلى عن احدى مكوناتها والا ذابت المكونات الأخرى وتلاشت
فى البداية هوية تنتمى لأرض النيل وتتبعى بقا الهوية دى عبر تاريخ وحلقات متصلة لا يجوز فصل أى حلقة منها عن الأخرى يعنى نقدر نقول الهوية تطور طبيعى لتاريخ الأرض
اللى موجود دلوقتى محاولة لنزع الهوية يعنى زى ما بنقول بالبلدى كدة ننزع القديم علشان الشباب يتوه فى الجديد وعلى رأى الأجداد من فات قديمه تاه
والتوهة يعنى ضياع والمصرى وبدون أى تحيز هو الوحيد وسط من جاوره اللى عنده أصل وجذور وقديم وليس مجرد راعى ابل هائم على وجهه فى الصحراء يتجول وراء العشب ولما تخلص الابل عليه يدور على مكان تانى يأكل خيره ويرحل
انزعى من المصرى قديمه وحتلاقيه ضايع ضياع شديد لأن قديمه أغنى من أى قديم آخر ودة المطلوب
عزيزتي اميره الجميله بعد اذنك رد بسيط علي استاذي فارس قديم عزيزي المحترم والله انا مقلتش ان فيه حاجه اسمها هويه اسلاميه كل ما اردت الوصول اليه ليس نابع من تاريخ ولا شئ اخر انما نابع من عمل جاد تجاه المستقبل بمعني الهويه في مصر مصريه واي حد يقول غير كده انا ضده اصلا وموضوعا احنا لينا حضاره وتاريخ لسبعه الالاف عام من عمر الزمن مش حنبني هويتنا علي مرحله ونتجاهل باقي المراحل او نتجاهل الاصل كلنا مصريين والدين عقيده وعمل ومش هويه ثانيا اردت فقط ان اقول احنا ايه اللي بيخلينا نتكلم عن الهويه؟ مش علشان نلاقي نقطه تجمعنا عليها علشان مستقبلنا طيب ده كلامي هويتي مصريه قبطيه في بلدي اللي عايش فيها وديني ماهو الا عقيده ومعاملات وغيره ولم يعطني هويه جميل طيب هويتنا العربيه مع اخواتنا وجيرانا العرب لنا مصالح ولغه ومصائر مشتركه اما الاسلام ولن اقول الهويه الاسلاميه دي علشان نجمع بيه دول زي ايران وباكستان والهند وكده يعني يعني انا ماقولتش ابدا والله ان الدين هويه لااااااااااا الدين عقيده وعمل ليس هويه وعصبيه وعلي فكره انا بفكر اعمل باب في مدونتي اتكلم فيه علي موضوعات زي دي مختلطه في الفهم علي ناس كتير خلاصة القول الاسلام كما اوضحت ترك كل شعب بهويته وعاداته الحميده وتقاليده السليمه لم يطمس هويه شعب الا محاولات فرديه فهمت علي انها طمس للهويه لكنها كانت بدافع ظلم وفساد بعيد تماما عن صحيح ما انزل الله واخيرا هويتنا جميعا جميعا جميعا مصريه ومفيش هويه اسلاميه وموافق علي كده اختلافي بس معاكوا اني ببص للاسلام انه ممكن يستخدم كمصدر للتجمع والاتحاد بين معتنقيها من مختلف الهويات للوصول لمستقبل مشرق وده مش استغلال للدين علشان حد يفهمني غلط والله ده اسمه البحث عن الجماعه والاتحاد ......... تحيه لكم جميعا يا اعزائي من مجهول
متفقين برغم أي إختلافات متفقين إن البلد دي ملك للمصريين بس ومحدش يتدخل بينا ...... بمناسبة راسبوتين هو فعلاً مابيحبش المجاملات لمّا تشوفه إن شاء الله هتعرف هيجي يقولك مساء الخير أنا إسمي أيمن حضرتك إسمك إيه ؟ بيجيب من الآخر ربنا يحفظه يارب ........ وأنا في إنتظار البوست يافندم ...... بمناسبة السادات كان فيه ناس في عهده بيقولوا تمتعوا بالسيئ ، فإن الأسوأ قادم ياترى الناس دي بتقول إيه دلوقتي ؟
أهلاً يافندم العفو ...أنا قلت تغيير بدل الأغاني هههههه لأ أنا بهزر طبعاً أولاُ لأني بحب الخطاب ده برغم إختلافي مع السادات في حاجات كتييييير وثانياً لغرض خاص بالتدوينة اللي فاتت ثالثاً لمّا توصل عند مقطع بيقول
كُنّا نطمئن بعطف العالم ونحن الآن نعتز بإحترامه وأقولها لكم بصدق وأمانة أنني أُفضّل إحترام العالم ولو بغير عطف على عطف العالم إذا كان بغير إحترام
لو سمحت ماتقوليش مِنّك لله ..... أنا فاكرة كلامك عن النظرية دي ومقتنعة بيها وبأشكرك جداً على الشرح والإستشهاد بالآيات بس أستاذ مجهول تقريباً إتفق معانا مع الإحتفاظ بحقه في الرد والإحتفاظ بفكرة الدين كوسيلة للتواصل وجهة نظر أنا باحترمها برضه ...... أنا عندي مشكلة آراء الناس عندي هي تدوينات في حد ذاتها ومش عارفة أعمل إيه .... بجد شرفتوني تحياتي
بصي التسجيل ده له علاقة بالبوست اللي فات يعني زي ماتقولي تأكيد لتاريخ ما بيحاولوا يغيروا فيه ..... رأيك الذي تصفينه بالمتواضع أعطى ثِقلاً وعمقاً أكبر لمفهوم الهوية ففكرة التاريخ المتراكم والهوية المركبة تعطيناً تميّزاً شديد الخصوصية صَعُب على الآخرين فهمُه فقرروا إنتزاعه
أشكرك بجد للإضافة دي .... شهروزة يا ريت تشوفي البوست اللي فات فعلاً رأيك يهمني
والله يا أودي أنا بحب كُل الناس دي بس برضه فاهمة إنهم بشر مش ملايكة يعني لو السادات أو عبد الناصر أو حتى الملك فاروق كانوا مش على هوى بعض الناس مش معنى كده إننا نكرههم بشكل قاطع
28 Comments:
الاخت المحترمه العزيزه اميره
بعد خالص تحيتي وسلامي لك
وسعادتي بتشريفي في مدونتي المتواضعه لقدر شخصك المفكر و المبدع
ربما تكوني قد قرأتي تعليقي عند استاذه هيباتيا في موضوعها ولها الفضل في ان اعرف عقلا مثلك يفكر وينقد ويحاول التغيير
........
ما أردت الا ان احييكي علي موضوعك العقلاني الجدير بالاحترام السابق
الذي فاتني وللأسف التعليق عليه لعدم علمي بتدوينتك الرائعه الا صباح اليوم عند مدرسه سيده الحضاره
..........
وصراحه لا اريد اختلافا في الفكر معك بل اتفاق وحتي لا تحسي يا سيدتي الفاضله
اني انقد من اجل النقد فقط .. لا لشئ الا للنقد
........
ولنتفق علي نقطه
كلما اختلفت معك كلما زدتي عندي حبا واحتراما
..........
ولنتفق علي اخري
ان الروح التاريخيه او الثقافه التاريخيه للشعوب ماهي الا نتاج كفاح وعمل قادر علي شحذ
الهمم للمستقبل
فبتاريخنا نعتز ونحترم ومنه نتعلم وبه وعلي ضيائه ومناقبه نسلك طريقنا للمستقبل المشرق
........
أولا
اشكرك علي افاداتك العظيمه جدا لي في مجال تاريخ الفراعنه ونظره الاخرين لهم
فقد اتي اصحاب اللا حضاره ليملوا علي اصحاب الحضارات الضاربه بجذورها في الزمن نظرتهم لتاريخهم
واري معك كل الحق في ذلك فتاريخنا القديم من بدايه عصر الاسر والي الفتح الاسلامي كان مفخره ونهضه
فاقت حدود تصور البشر يجب ان تخلد في الكتب و يتوارثها الجيل بعد الجيل
..............
ولنكن عادلين
فالتاريخ الاسلامي للحضاره التي قدمت عن طريقه لم تكن قليله لتختذل في صفحات هي الاخري
فمن صنع مجد الحضاره الاسلاميه غير علماء خرجوا من بلادنا وبلاد اخري
وقله قليله من علماء ظهروا من البلاد التي ظهر فيها
ابن سينا و الخوارزمي و المقريزي و الرازي و الادريسي والفارابي
وابن رشد وابو حامد الغزالي و ابن القيم وغيرهم عشرات من علماء وافاضل
اضافوا دررا للحضاره الاسلاميه
وجب علينا الاهتمام بها حق اهتمام واخذ حقها في التاريخ
..............
معك ايضا فيما ذكرتي
من صفات وعيوب في مجتمع الوثنيه قبل الاسلام ونظرتهم بالاستعلاء علي مادونهم
من المسلمين ليس لشئ الا لخروج المصطفي من بينهم
وكأن مجتمعهم كان يوتوبيا وجنه الله علي ارضه
.........
معك بالطبع في كم التفاهه في منع الاحتفال بالاعياد المتوارثه جيلا بعد جيل
ولكن ليس هناك متسع للرد المبسط علي التشدد الان أعذريني لاني بتعب بسرعه
.........
ارجو ايضاح نقطه بسيطه
تاريخيا
يجمع المؤرخون علي ان
انقسمت الطبيعه الاجتماعيه في مصر بين حكام ومحكومين
فالفراعنه كانوا طبقه من الحكام متوارثه بكل ظلم واستبداد
وربما لم تكنت هناك ديموقراطيه علي ايامهم
والشريحه الاخري
وهي الشريحه التي صعدت بما يسمي الفراعنه الي عنان التاريخ
وهي قدماء المصريين
فمنهم المهندس والفلاح الفصيح ومنهم الفلكي والطبيب
والعامل الذي بني العجائب واذهل العالم
فلم يكن فرعون واحد به صفات كتلك بل كانوا حكاما فقط لاغير
يديرون بلادا بظلم وعسف وفساد
ولنرجع لتاريخ الحضاره المصريه ومقالات وكتب قتلت حضارتنا بحثا
لايتسع المجال للاشاره لها
.....
دينيا
فرق الاسلام بين الفراعنه كحكام وبين متبوعيهم من مصريين قدماء
فلقد كفر فرعون ومن حوله بالرساله وصدق المصريين موسي في قصه السحره الشهيره
وغيرها من قصص
اشار العزيز الغفار فيها لكم القهر الواقع علي شعب بلد من قمع وعذاب علي يد حكامه
ككلمه لا أريكم الا ما أري علي لسان فرعون موسي
وعليه
وجب علينا تفرقه جذورنا المصريه القديمه من الفاظ ومفاهيم فنفرق بين ماهو فرعوني وبين ماهو مصري قديم
من ابناء هذا البلد الذين بنوه
.........
بالنسبه لموضوع الهويه
اتفق معك تماما علي تمسك كل انسان بجذوره وهويته ولكني اختلف في نقطه معينه فقط
في التجمع قوة وفي التفرق ضعف
وجب علينا جميعا البحث عن هويه مشتركه والا يترك الموضوع سداح مداح فيخرج من يتبعون هويه فارسيه
ومن يتبعون هويه كنعانيه وبابليه وفرعونيه
فالحديث عن الهويه ماهو الا محاوله للجذب و التجمع لا التفرق
فهويتنا في مصر مصريين قلبا وقالبا تاريخنا واحد وجذورنا واحده
وهويتنا بالمنطقه عربيه تاريخ ساهمنا به و اضفنا عليه وعظمناه
وبالنسبه للهويه الدينيه
السنا محتاجين لها ايضا في احيان ما
اذا لم نجد اتفاق في التاريخ والحضاره فهويتنا الكبري اسلاميه
ومثال ذلك
المسلم والمسيحي في مصر هويتهم مصريه
المصري و السعودي هويتهم عربيه قوميه
العربي والايراني والالباني والاندونيسي هويتنا اسلاميه
وكلنا في العالم بهويه انسااااااااااااان
هكذا يا سيدتي الفاضله
وللامثله المئات من طرق جمع الهويه للوصول الي المستقبل
امريكا بما فيها من لاتينو اصليين هنود ونيجرو سود افارقه وعرب ويهود هويتهم واحده امريكيه
اوربا هويه واحده رغم ضرب كل امه لجذورها في مناطق بعيده ويمكن معاديه للامم الاخري
فالبحث عن الهويه يجب ان يرسخ فينا ونعلم من نحن
مسلمين عرب مصريين بلا اي ترتيب نجمع من تاريخنا الثلاثي ما نحدد به مستقبلنا
...........
اخيرا
بالنسبه لأكتوبر المجيده
ليست حربا ضد دين من قبل دين اخر ولم تكن غزوه كما اتفق معك
انما كانت حربا للتحرير بدافع من حمايه الهويه المشتركه كمصري مسلم ومصري مسيحي
فالله اكبر بدافعها الديني جعلت من الحرب امرا غير مستحيل لتجمع بين كل الامه ولم تدل علي هويه اسلاميه
بل دلت علي هويه مصريه بحته تأثرت بحضاراتها علي مر العصور واثقلتها الي ان خرجت دفاعا عن ارضها
بوازعها الديني الذي يشحذ النفوس عند مسلمي ومسيحي مصر فالله اكبر متفق عليها للجميع فلا اكبر غير الله
وبوازعها العربي للنضال من اجل فكر الاستعمار الذي حطم كبريائنا
ووازعنا المصري البحت للدفاع عن تراب وثري امه افديها بدمي للتحرير
.......
الحديث واسع وخصب وحاسس انك ممكن تتعبي من البص في الشاشه
..........
الحديث معك يجعلني احس انك امامي نتحاور
فأنت انسانه راقيه ومحترمه ومبدعه
وما اختلافي الا كلمات انسان لإنسان لا نبغي من ورائها الا نهضه هذا البلد
واعلم اني كترت عليكي لاني فعلا رغاي
بس ان جيتي للحق مدونتك من اجمل المدونات التي ارغب في ان اكون صديقا لها
فأصحاب الفكر نادرا ما أجدهم يهذا الشكل من الرقي
تحياتي يا مبدعه الفكر و صاحبه العقل
دمتي بخير
وسعادتي كبيره لاني اول من يعلق علي موضعك
رغم اني كأني بعلق علي الموضوع اللي فات
هههههههه
مرتبط بيه برضه
اميرة
حبيبة قلبي
على مدونتي تعليق من اخونا في الله
عايزك تقريه
هيباتيا
يا أهلاً يا اهلاً
وأنا أقول البلوج منوّر ليه
....
كل ده ؟؟
خالص والله
ده أنا لسه بقول يا هادي
....
هادخل في الموضوع على طول علشان أنا عارفة قد إيه حضرتك محاور وناقد جيد جداً وإختلافك دائماً يأتي في إطار غاية في الأناقة والإحترام
.....
جميع من ذكرتهم وغيرهم ممن أثروا الحضارة الإنسانية يستحقون عظيم الإحترام والتقدير، ولكن
هل من العدل أن نقرر أن نبوغهم كان نِتاج الدين وحده ؟
هل من العدل أن ندرس تاريخ العرب وفتوحاتهم دون أن نعرف شيئاً عن تاريخنا المصري بمراحله الكاملة
مَن مِن غير المتخصصين يعرف من هو فتاح حتب
وماهي ماعت
وأين تقع أون
أول عاصمة مصرية
ولا حد عارف
بس عارفين تاريخ الحضارة الإسلامية كويس وبمناسبة الحضارة الإسلامية
أنا عاشقة للتاريخ لكن مش دارساه
أنا دارسة فن
وكفاية أقولك إن في بعض المساجد القديمة زي عمرو بن العاص وأحمد بن طولون فيه أحجار عليها بعض الموتيفات الفرعونية
!!! مع إن المقطم بحاله على بعد خطوتين
و حكاية كنيسة القديس يوحنا في جرش بسوريا وتحولها على يد الوليد بن عبد الملك إلى جامع دمشق حكاية معروفة
وبمّا إن الطرز الإسلامية إختلفت من بلد لبلد حسب الثقافة اللي سبقت دخول الإسلام فده دليل واضح على التأثر ومش عايزة أقول الإقتباس
بنظرة بسيطة للموتيفة الإسلامي في مصر ومقارنتها بمثيلتها القبطية هتشوف الفرق البسيط
وهو إختفاء تقاطع الخطوط في المنتصف وده علشان في العقيدة الإسلامية لا توجد فكرة التجسد
حاسة إني برغي في حاجة تانية خالص
بس أدينا بنتكلم
......
أنا إعتراضي على حاجة تانية خالص
.....
بصراحة
الحركة الوهابية
اللي أنا باسميها الفكر البدائي الهمجي واللي بتتلخص في إتباع السَلَف وكل ما عداه كُفر
واللي بصراحة أكتر مِستلّمين مصر بالذات لأن اللي عمله محمد علي وإبنه إبراهيم باشا فيهم ماكنش بسيط
مع إن محمد علي ماكنش مصري أصلاً
طول الوقت إهانات للمصريين وعاداتهم وترهيبهم من الحفاظ على تاريخهم
لو تعرف إيه اللي بيتقال على مصر
لو تعرف إيه اللي بيتقال على ماريّا القبطية
لو تعرف إيه اللي بيتقال على علماء المسلمين المصريين زي محمد عبده ومحمد رشيد رضا
ولاّ الرموز الحديثة بقى
جمال عبد الناصر والسادات ونجيب محفوظ ولحد أحمد زويل
ده غير شم النسيم والسبوع وليلة الأربعين وزيارة الأولية ولحد الأمثال الشعبية
أستاذي الفاضل
جاءنا من الأراضي الحجازية
حديثين منسوبين للرسول صلى الله عليه وسلم وغير موجودين في الصحيحين
تناكحوا تناسلوا فإني مفاخر بكم يوم القيامة
ومن رأي منكم منكراً فليغيره بيده فإن لم يستطع فبقلبه فإن لم يستطع بلسانه وهذا أضعف الإيمان
أنظر يا سيدي الفاضل ماذا حدث لمصر حين إتبع مسلموها تعاليم السلف
مش مهم مصر
المهم السلف الصالح يرضى عنّي
.....
أوافقك ولو بتحفظ بسيط على فكرة عدم وجود ديموقراطية في فترة الحكم الفرعوني لمصر
فالحكم الديني ذاته يمحو الفكرة من أساسها
وهو ده اللي إحنا بنعاني منه دلوقتي بشكل ما
لكن خلينا نتكلم على المجتمع نفسه
على العدالة الإجتماعية
اللي من غيرها كان مستحيل يكون فيه تاريخ ولاّ حضارة ولاّ فلك وطب وهندسة ولاّ تقويم شمسي ولاّ فكرة الإله أصلاً
وبما إني مش متخصصة فأنا هألح شوية على الأستاذ شريف الصيفي يكتب تدوينة في الموضوع ده
......
موضوع الهوية
لا زلتُ مصرة
الدين عقيدة وليس هوية
وإلاّ لماذا نَعيب على يهود أمريكا مثلاً إنحيازهم لدولة إسرائيل وإستغلال نفوذهم لصالح مواقفها ؟؟
ولماذا نندد أصلاً بالأساس الديني الذي قامت عليه إسرائيل ؟؟
وأختلف معك أيضاً في أن الدول الأوروبية تحمل هوية واحدة
فالتاريخ واللغة والثقافة والقوانين الداخلية وحتي العادات والتقاليد مختلفة وإن إتفقت العقيدة والمصالح الإقتصادية
......
موضوع ستة أكتوبر بقى
أنا جبت من الآخر وقلت أسمّع الناس خطاب الرئيس السادات بصوته مش نقلاً عنه علشان نعرف حاربنا ليه
علشان الإسلام ودخول القدس
ولاً علشان العدل زي ما قال السادات اللي كلنا عارفين مين اللي قتله
......
أستاذي الفاضل
أنا رغيت كتيييييير قوي
وأقترح عليك تقرا ردي على مرتين
علشان تقدر تيجي تاني
بس زي ماحضرتك قلت
الواحد نادر لمّا بيلاقي حد يتكلم معاه بعقله
تحياتي الشديدة وعظيم شكري وإمتناني لزيارتك
هيباتيا الجميلة
أنا جيت
وقريت
ولا أملُك سوى أن أُعلن إحترامي
تحياتي
أختي الغاليه وصديقتي المحترمه
اميره
تحيه وتقدير علي ردك الوافي الذي اوضح لي نقاط غابت قليلا عن خاطري
..
واديني جيت تاني وقريت ردك اكتر من مره لدسامته الفكريه و العقليه
ولا اجد ما اختلف فيه معك ولا اجد الا اننا بفكرنا وصلنا الي نقاط عديده مشتركه
......
اتفقنا ان ظلم جائر واقع علي تاريخنا بجميع مراحله ولم انفي في ردي السابق ذلك
ولم ادعو لشطب تاريخي المصري القديم العظيم وقصره علي تاريخ يبدأ من الفتح الاسلامي
بالعكس اطالب بإعطاء الحق لكل علي حده والوصول الي غايه الدراسه للتاريخ وهي جعله دافع وليس مجرد ذكري وعبر
.......
اتفقنا ان النبوغ لم يكن بدافع الدين وحده بالطبع ولولا اختلاف الاهداف لما خرج الا دعاه وائمه فقط
........
عن الفن تكلمتي وابدعتي بصراحه
واتفق معك تمام الاتفاق علي قولك ان الحضاره الاسلاميه تأثرت بحضارات أخري
ومن غير عاقل ينفي ؟؟
فما الحضاره الا نتاج افرازات الامم وما الفن الا ابداع متوافق مع معطيات كل امه
فإختلاف الفن الاسلامي في بلدان كثيره يدعم كلامك عن فكره التأثر كالشام ومصر لها نوع معين
وحضاره بلاد العراق وماوراء النهرين و الهند لها نوع أخر من الفنون
وتونس والمغرب العربي وبقايا حضارات الاندلس لها مسلك أخر
وربما معك تماما في فكره النقل لكنها لم تكن بدافع طمس الهويه
وان حدث بعض مما ذكرتي كمسجد دمشق وعمرو بن العاص فهي احداث فرديه ولم تكن خطط واستراتيجيات للمحو الثقافي الموروث للبلاد الجديده علي الاسلام
والا فلما بقيت مئات الادله والاثار علي ذلك
والقياس بالقياس يذكر من خلال الزيارات لاسبانيا ستجدي المساجد قد حولت الي كنائس ولا داعي لدخولنا في قضيه اخري كما تفضلتي وذكرتي
.......
اتفق معك جدا فيما قلتي بحق الحركه الوهابيه
ومن دراسه وتلاقي للافكار مع أخرين يؤمنون بها
اجد انها حركه لا تخرج عن كونها فكريه برؤية معينه وزاويه بعينها تطل علي الاسلام وأري اختلافها في نقاط عن صحيح التسامح الودي للاسلام الا نتاج مرحله بعينها انجبت حركات شبيهه
كابن تيمه رحمه الله وابو الأعلي المودودي رحمه الله وغيرهم
واتفق معك وربما ذكرت عن نظرتهم الاستعلائيه لما دونهم من المسلمين فقط لخروج الرسول منهم ويعطوا لأنفسهم الحق في تقويم الاخرين
وللعلم فقد قضيت خمس ساعات متواصله منذ اعوام احاور اخ فاضل عن الحركه الوهابيه ورؤيه الفكر السلفي للعصر
وهو يختلف تماما عن المفهوم الصحيح للدين الوسطي السمح ولا يتسع المجال للكتابه عن الموضوع اكثر
ويكفي ان من كفر اشخاصا كشيخي محمد عبده واستاذه جمال الدين الافغاني وتلميذه محمد رشيد رضا وحجه الاسلام ابو حامد الغزالي ومفكر الاسلام ابن رشد وغيرهم ممن جاؤوا بعلم غريب عليهم
ويكفي ايضا من يهاجم زعمائي عبد الناصر والسادات وادبائي وعلمائي ويهاجم عاداتي وتقاليدي بدون اثبات وموضوعيه ورقي في الفكر والحوار لا يستحق ردا الان
ولنكن منصفين فهناك حركه هائله لتطوير الفكر الوهابي تحدث في السعوديه وادخال محدثات العصر ومطلباته وهناك اخرين مثقفين ممن لهم فكر محترم يتكلمون بموضوعيه
ولنا حوار اكيد في وقته لمناقشته بإستفاضه
..........
عندما تكلمت عن الحكم الفرعوني
تكلمت عن اقويل تاريخيه وروايات دينيه فأنا لم اعاصره بالطبع وانتظر المفكر والعلامه الدكتور الصيفي لينير لنا من علمه
.........
قضيه الهويه
اري اني سعيد جدا لإختلافك معي رغم اني لم ادعو فقط لهويه اسلاميه
وارجو ياسيدتي الفاضله اعاده قراءه الجزء الخاص بها في تعليقي
فلم ارد بها غير عامل جذب وتوحد اذا لم نجد هويه اخري جامعه مع من تجمعنا بهم مصائر مشتركه
...........
عارف اني رغيت تاني بس صراحه كلامك ممتع وايدي بتجري مني علشان اكتب واتفق معاكي قبل ما اختلف
تحياتي لذوقك الراقي واحترامك
وشكرا يا سيدتي علي وصفك ليا بالمحاور لكني ولا محاور ولا حاجه انا ابحث عن شيئان
لو رأيي خطأ اعدله
ولو صواب اثبته
دمتي بسلام
تلقيت دعوه من يومين من زميل مدون عزيز ..محمد التهامي لحضور ندوه عن المدونيين في مصر بمجله كلمتنا 22 ش سوريا المهندسين..الدور ال8 ..عماره جريده الوسيط بالقرب من جامع مصطقي محمود..و تم تحديد الميعاد يوم 4-4 الساعه الواحده و النصف...الللي ناوي يجي يا ريت يسيبلي تعليق عشان أبقي عارف و عامل حسابي و أقول لمحمد
متخافوش مفيش حد مننا متراقب
حسمع التسجيا و أجي علي طول أقولك رأيي
خطاب قوي و مؤثر و لكن المشكله في اللي حصل بعد الخطاب و اتفاقيه كامب ديفيد التي لم تنصف مصر اطلاقا و أبخست حقها في أمور كثيره..بصي هوا الموضوع يطول شرحه و لكن أقدر أقول انا بحترم السادات القائد اللي حارب و اتصر و لكني مختلف معاه فيما بعد الحرب
تحياتي لكي
عزيزي مايكل
مين الي قالك ان مفيش حد منا متراقب
امال الي مقبوض عليهم دول اتقبض عليهم ازاي و بالذات من اللي ليهم رايء و رؤيا لية محبوسين في عربية امن مركزي امام مدرسة في الجيزة يعني لا في حبس و لا زنزانة
تحياتي لصاحبة المدونة الجميلة و اسف للتعليق عندك بدون استاذان
ياسر عوف
أستاذي الفاضل
مجهول
أهلاً بيك
طبعاً أنا أحب أعتذر لك
لأني قريت تعليقك الأول مرة تانية
وفهمت قصدك المرة دي
حضرتك تقصد
البحث عن هوية مشتركة مع البشر جميعاً على إختلافهم لإيجاد نوع من التقارب بينهم
عليّا نور ولاّ لسه برضه ؟؟
هههه
فكرتني بخناقة لطيفة حصلت في دهب
بين سائح من الهند وبائع تذكارات صومالي
ده بيقول مصر أسيوية ويشهد بأرض سينا
والتاني بيحلف إنها أفريقية ويحلف بباقي أرض مصر
وإحنا طبعاً واقعين من الضحك
.....
والله مصر دي حكاية
هوية عربية تلاقي
أفريقية تلاقي
أسيوية تلاقي
بحر متوسط تلاقي
كل حاجة
واللي يشوف من جوه يبكي من قلبه
.....
موضوع كنائس أسبانيا
معلوماتي بتقول إن بعد سقوط الأندلس تم تنصير المسلمين في أسبانيا وترحيل من أصر على إسلامه ، لم تعد هناك حاجة للمساجد
يعني الموضوع مافرقش كتير
بس المشكلة إن فيه ناس مش راضية تصدق
لا هناك ولا هنا
.......
أنا معرفش حاجة عن محاولات تطوير الحركة الوهابية
معلومة جديدة أشكرك عليها ولازم أقعد أدوّر في الموضوع ده
بس اللي حصل حصل خلاص
....
سيدي الفاضل
أنا فقط أريد توضيح موقفي
لم يكن هدفي قط هو إبخاس حق عالم جليل أيّا تكن جنسيته أو هويته
أو البحث عن أخطاء لأي شخصية تاريخية خانها المنطق وغلبتها الأهواء في لحظة ضعف
أو إهدار قيمة حضارة إستمرت أكثر من أربعة عشر من القرون
هدفي كان أن نرفض أن نستمع لمن يحرّم علينا هويتنا المصرية
ويفرق بيننا وبين آخرين يحملون هوية مصرية مثلنا جميعاً
بل إسمح لي
هويتنا القبطية
فقط لأني أرفض مبدأ
أعلو حينما يسقط الآخرون
ولمّا حد يحاول يعمل لنفسه تاريخ على حساب تاريخي
لازم أقوله
look who's talking
يعني كان رد فعل للي قريته مش أكتر
........
شرفتني وحياة ربنا
بس برضه الدين عقيدة مش هوية
تحيات بقيمة الحوار
micheal
الإختفاء العظيم
لا ياعم
كلمتنا مجلة صغيرة عليّا
أنا كبرت يا صديقي
بس لو ميكي هآجي طبعاً
هههههه
.....
طيب
هه
سمعت ؟؟
هه
طيب
جيت ؟
الحمد لله
.....
أسفة يا مايكل مش هينفع أرد عليك
لازم تقرا البوست اللي فات علشان نعرف نتكلم
بس على العموم أنا مقصدش أقول السادات حلو ولا وحش
ده موضوع إتفتح في البوست اللي فات وكانت النتيــ
....
يووووه
أقولك
إقرا البوست اللي فات وتعال نتكلم
سلاااام يا فندم
أستاذ ياسر
ولا يهمك يا فندم
This comment has been removed by the author.
اميرة
عجبنى فى كل الحوار ده اللى مليان كلام جميل ومجاملة لذيذة وتشكرات لطيفة
كلمتين بس انتى قولتيهم
ان الدين عقيده وليس هوية
انا اوفقك الرأى على ان الدين عقيدة
ومعنى الهوية بعيد تماما كل البعد عن معنى العقيدة ولا يوجد تشابه بينهم
الهوية تساوى رعوية او جنسية دولة ما وده المعنى اللغوى بتاع كلمة هوية
مثال اليمنى المصرى الصومالى الامريكى العراقى الاسكندرانى كده يعنى
اما العقيده ده شىء مختلف فعلا العقيدة هى الافكار الدينية او الروحانية التى يتخذها الانسان منهج لحياته ويطبقها فى معظم معاملاته زى المسلم المسيحى البوزى الماجوسى
كل دى ديانات والبعض منها معتقدات
بس ده تعليقى ويا ريت اكون فهمت الموضوع صح ورديت عليه ومخرجتش عنه لانى بصراحة انا مكنتش فاهم حاجة خالص وقولت استنى لما اشوف التعليقات بتقول ايه ومفهمتش حاجة برضو الا الكلمتين اللى انتى قولتيهم بتوع الهويه والعقيدة وبصراحة عجبونى اوى اوى يا اميره
وعايز اقولك على حاجة انا من حقى كمدون وكصديق انى اطلب منك بعد كده المزيد من التوضيح فى باقى البوستات عشان اعرف الدنيا ماشيه ازاى
وشكرا ليكى يا ست الامرة
شاهبندر التجار
ياسلام عليك يا أيمن
يا صديقي التدوينة دي مش تدوينة
دي تسجيل صوتي لخطبة السادات اللي بيتكلم فيها عن غزوة ستة أكتوبر
وبيقول إزاي المسلمين بــــــــــــس
حاربوا اليهود وكسبوا المعركة
تحت شعار إسلامية إسلامية
بس خلاص الموضوع بسيط والله
......
التعليقات اللي هنا دي
إستكمالاً للموضوع اللي فات
بس خلاص برضه
......
وحياة ربنا إنت شرحت الموضوع أحسن مني
مع إن أنا اللي عمالة تفتّح في المواضيع
تسلم يارب
بس من الواضح يا أيمن إن الناس اللي إختاروا يكونوا مسلمين بمزاجهم ( على طريقة رحلتي من الضلالة إلى النور ( همّا اللي مقتنعين بموضوع العقيدة والهوية
بس فيه إستثناءات طبعاً
....
إنت تأمر يا فندم
بس مين شاهبندر التجار ده ؟؟
ههههههههه
والله لادوّخك
نورتني
اميره الجميله
شكرا ياعزيزتي علي كلامك
وبلاش مجاملات كتير علشان راسبوتين
شكله برضه مش بيحب المجاملات
ولا ايه يا شاهبندر التجار يا رقيق
هههههههههه
الله ينور عليكي ده اللي قصدته فعلا
وموضوع كنايس اسبانيا وغيرها والاحداث والتواريخ والحوارات دي موضوعات كبيره وضخمه
ممكن ابقا اكتب فيها بوست
من واقع قراءه من اكثر من اتجاه ومعايشه وكلامك تاريخيا صحيح والله ينور عليكي
بس مش موضوعنا دلوقتي
المهم
احنا اتفقنا الحمد لله
اخيرااااا
هههههههههههه
سعيد بإضافتك ليا كمدونه مفضله
واشوفك في بوست قريب
واسمع انا بقا كلام عمي السادات
علشان طالبه معايا فخر النهارده ربنا يعيد ايام امجادنا
من مجهول
معلشي داخل معلق مجهول معلشي اصل النت شكله بيهيس
أميره الفاضله ..
أولا شكرا على خطاب الراحل العظيم .. رحم الله الرجل .. نحتاج الأن لمن يذكرنا بأيام جميله مجيده
ثانيا شكرا على صالونك الثقافى الراقى الذى ضم أمثال الرائع مجهول .. و أعتز باختلافى معه فى بعض الجوانب .. و مصدر اعتزازى هو أنى متأكد من أنه خلاف مع شخص راق و متحضر .. أذا مرحبا بمثل هذا الخلاف الذى سيثرى و ينير .. و لا ينتقص أبدا
أتفق معك فى أن الدين عقيده و ليس هويه .. و هناك نظريه قد أتناولها بالشرح التفصيلى فى مدونتى لاحقا .. النظريه تقول نصا : عندما يتحول الدين ألى قوميه .. فهو يكف عن كونه دينا .. ولا ينجح أبدا فى تقديم قوميه بديله
نعم الدين عقيده.. علاقه خاصه بين العبد و ربه المعبود بالاختيار الحر و اليقين المترتب على هذا الأختيار .. أما القوميه فهى لا تخضع للأختيار .. و من نص لقرآن الكريم
لا أكراه ف الدين
و أيضا
من شاء فليؤمن و من شاء فليكفر
بمعنى أن الدين اختيار حقيقى .. بينما من نص ذات الكتاب الكريم الذى لا يأتيه الباطل من بين يديه و لا من خلفه حسب اعتقادى الأختيارى نجد النص الصريح
و خلقناكم شعوبا و قبائل
و هو تماما كنص: و خلقناكم من ذكر و أنثى
بمعنى .. ان القوميه و هى الأنتماء لشعب أو قبيله جزء من خلقة الأنسان لا اختيار له فيها .. تماما كجنسه .. فلا اختيار للفرد فى أنه ذكر أو أنها أنثى
و بالتالى .. فالتعامل مع الدين و هو العقيده .. يختلف تماما عن التعامل مع القوميه التى هى انتماء لشعب أو قبيله
و هنا مربط الفرس .. نص القرآن أيضا .. ألحق بخلقنا شعوبا وقبائل مبرر هو .. لتعارفو
و لم يذكر أبدا بأى أشاره أن يطغى شعب بعاداته أو تقاليده على شعب آخر .. أو يفرض عليهم تصوره للعقيده فى خلط مشوه بين الدين .. و القوميه
فعلا أستعجل رأيك و رأى العزيز المجهول الذى اسجل اختلافى معه .. فى صورة احترام بالغ لرأيه ..
سعيد بالتواصل الراقى
وشكرا مره أخرى لضيافتك الكريمه
مدونة جميلة
مش عارفة أقولك اية
لكن التسجيل مش شغال عندى
لكن من التعليقات السابقة عرفت المضمون
بالنسبة للهوية فى رأيي المتواضع
أعتقد انها تجميع نهائى لتاريخ الانسان
فالمصرى بطبيعة مصر الخاصة
يمتلك هوية مختلطة ولا يستطيع التخلى عن احدى مكوناتها والا ذابت المكونات الأخرى وتلاشت
فى البداية هوية تنتمى لأرض النيل
وتتبعى بقا الهوية دى عبر تاريخ وحلقات متصلة لا يجوز فصل أى حلقة منها عن الأخرى
يعنى نقدر نقول الهوية تطور طبيعى لتاريخ الأرض
اللى موجود دلوقتى محاولة لنزع الهوية
يعنى زى ما بنقول بالبلدى كدة
ننزع القديم علشان الشباب يتوه فى الجديد
وعلى رأى الأجداد
من فات قديمه تاه
والتوهة يعنى ضياع
والمصرى وبدون أى تحيز هو الوحيد وسط من جاوره اللى عنده أصل
وجذور
وقديم
وليس مجرد راعى ابل هائم على وجهه فى الصحراء يتجول وراء العشب ولما تخلص الابل عليه يدور على مكان تانى يأكل خيره ويرحل
انزعى من المصرى قديمه
وحتلاقيه ضايع ضياع شديد
لأن قديمه أغنى من أى قديم آخر
ودة المطلوب
تحياتى
عزيزتي اميره الجميله
بعد اذنك رد بسيط علي استاذي فارس قديم
عزيزي المحترم
والله انا مقلتش ان فيه حاجه اسمها هويه اسلاميه
كل ما اردت الوصول اليه ليس نابع من تاريخ ولا شئ اخر انما نابع من عمل جاد تجاه المستقبل
بمعني
الهويه في مصر مصريه
واي حد يقول غير كده انا ضده اصلا وموضوعا
احنا لينا حضاره وتاريخ لسبعه الالاف عام من عمر الزمن
مش حنبني هويتنا علي مرحله ونتجاهل باقي المراحل
او نتجاهل الاصل
كلنا مصريين والدين عقيده وعمل ومش هويه
ثانيا
اردت فقط ان اقول
احنا ايه اللي بيخلينا نتكلم عن الهويه؟
مش علشان نلاقي نقطه تجمعنا عليها علشان مستقبلنا
طيب ده كلامي
هويتي مصريه قبطيه في بلدي اللي عايش فيها وديني ماهو الا عقيده ومعاملات وغيره ولم يعطني هويه
جميل
طيب هويتنا العربيه
مع اخواتنا وجيرانا العرب لنا مصالح ولغه ومصائر مشتركه
اما الاسلام ولن اقول الهويه الاسلاميه
دي علشان نجمع بيه دول زي ايران وباكستان والهند وكده يعني
يعني انا ماقولتش ابدا والله ان الدين هويه
لااااااااااا
الدين عقيده وعمل
ليس هويه وعصبيه
وعلي فكره انا بفكر اعمل باب في مدونتي اتكلم فيه علي موضوعات زي دي
مختلطه في الفهم علي ناس كتير
خلاصة القول
الاسلام كما اوضحت ترك كل شعب بهويته وعاداته الحميده وتقاليده السليمه
لم يطمس هويه شعب
الا محاولات فرديه فهمت علي انها طمس للهويه لكنها كانت بدافع ظلم وفساد بعيد تماما عن صحيح ما انزل الله
واخيرا
هويتنا جميعا جميعا جميعا مصريه
ومفيش هويه اسلاميه وموافق علي كده
اختلافي بس معاكوا
اني ببص للاسلام انه ممكن يستخدم كمصدر للتجمع والاتحاد بين معتنقيها من مختلف الهويات للوصول لمستقبل مشرق
وده مش استغلال للدين علشان حد يفهمني غلط والله
ده اسمه البحث عن الجماعه والاتحاد
.........
تحيه لكم جميعا يا اعزائي
من مجهول
أستاذ مجهول
يا أهلاً يافندم
متفقين برغم أي إختلافات
متفقين إن البلد دي ملك للمصريين بس ومحدش يتدخل بينا
......
بمناسبة راسبوتين
هو فعلاً مابيحبش المجاملات
لمّا تشوفه إن شاء الله هتعرف
هيجي يقولك مساء الخير
أنا إسمي أيمن
حضرتك إسمك إيه ؟
بيجيب من الآخر
ربنا يحفظه يارب
........
وأنا في إنتظار البوست يافندم
......
بمناسبة السادات
كان فيه ناس في عهده بيقولوا
تمتعوا بالسيئ ، فإن الأسوأ قادم
ياترى الناس دي بتقول إيه دلوقتي ؟
شرفتني يا فندم وتحياتي
lastknight
أهلاً يافندم
العفو ...أنا قلت تغيير بدل الأغاني
هههههه
لأ أنا بهزر طبعاً
أولاُ
لأني بحب الخطاب ده برغم إختلافي مع السادات في حاجات كتييييير
وثانياً
لغرض خاص بالتدوينة اللي فاتت
ثالثاً
لمّا توصل عند مقطع بيقول
كُنّا نطمئن بعطف العالم
ونحن الآن نعتز بإحترامه
وأقولها لكم بصدق وأمانة
أنني أُفضّل إحترام العالم
ولو بغير عطف
على عطف العالم
إذا كان بغير إحترام
لو سمحت
ماتقوليش مِنّك لله
.....
أنا فاكرة كلامك عن النظرية دي
ومقتنعة بيها
وبأشكرك جداً على الشرح والإستشهاد بالآيات
بس أستاذ مجهول تقريباً إتفق معانا
مع الإحتفاظ بحقه في الرد
والإحتفاظ بفكرة الدين كوسيلة للتواصل
وجهة نظر أنا باحترمها برضه
......
أنا عندي مشكلة
آراء الناس عندي
هي تدوينات في حد ذاتها
ومش عارفة أعمل إيه
....
بجد شرفتوني
تحياتي
shabfa2re
ميرسي يافندم
شرفتني
شهروزة
منوراني
بصي
التسجيل ده له علاقة بالبوست اللي فات
يعني زي ماتقولي تأكيد لتاريخ ما بيحاولوا يغيروا فيه
.....
رأيك الذي تصفينه بالمتواضع
أعطى ثِقلاً وعمقاً أكبر لمفهوم الهوية
ففكرة التاريخ المتراكم والهوية المركبة
تعطيناً تميّزاً شديد الخصوصية
صَعُب على الآخرين فهمُه فقرروا إنتزاعه
أشكرك بجد للإضافة دي
....
شهروزة
يا ريت تشوفي البوست اللي فات
فعلاً رأيك يهمني
ومنوراني بزيارتك الأولى
تحياتي
السادات
بحب الرجل دة بجد
ربنا يرحموا
ويرحمنا من إللى بعدوا
وعادى بقة
أودى
أستاذ مجهول
من الواضح إن أستاذ فارس قرا ردي اللي كان على غير فهم كامل لتعليقك الأول
وأعتقد إنه لمّا هييجي هنا تاني
هتوصله الصورة كاملة
شكلي هاطبع من المناقشات دي كُتب
ومش هاقول لحد
ولو إن الرد مش ليّا أساساً
بس منورني برضه
ody911
والله يا أودي أنا بحب كُل الناس دي
بس برضه فاهمة إنهم بشر مش ملايكة
يعني لو السادات أو عبد الناصر أو حتى الملك فاروق
كانوا مش على هوى بعض الناس
مش معنى كده إننا نكرههم بشكل قاطع
ربنا يرحمنا جميعاً
تحياتي
:)
Post a Comment
Links to this post:
Create a Link
<< Home