أميــــرة
22 March 2007
غزوة .. السادس من أكتوبر
يشهدُ الوادي الغربي بالأقصر هذه الأيام نهاية قصة حب فريدة بين اليابانين والملك أمنحتب الثالث ، بدأت منذ 27 عاماً.. تمثلت في إصرارهم على العمل بتمويل ياباني في ترميم قصره الملكي جنوب غرب معبد "هابو" ومحجره الجيري ، ثم مقبرته الرائعة بوادي الملوك
........
الخبر بتفاصيله منشور في الصفحة الأخيرة بجريدة الأهرام الخميس 15 مارس 2007
....................................
توقفت كثيراً أمام هذا الخبر
وخاصة أمام كلمة ( تمويل ياباني )... فريق ياباني متخصص في الترميم ، جاء من آخر بلاد الدنيا وبتمويل ياباني ليخرج أطلالاً فرعونية إلى النور ويُعيد إليها الحياة والجمال
لماذا ؟؟؟
لا شك أن البرديات والجداريات الفرعونية كانت ومازالت ، وبرغم كل المستحدثات والأيدلوجيات الوافدة إلى أرض مصر ... محوراً لإهتمام الكثير من المجتمعات الحديثة
عدانا نحن بالطبع
ـــــــــــــــــــــــــــــــــــــــــ
طبعاً الموضوع شدّني وجريت على النت ،وكتبت كلمة فراعنة
وطبعاً الجوجل طلعلي كل هسة جت فيها كلمة فراعنة
حتى يا فرعون إيه فرعنك قال مالقيتش حد يهدّني
ـــــــــــــــــــــــــــــــــــــــــــ
لحظة
......
مئات المواقع ما بين التاريخية والسياحية وحتى الرياضية والإسلامية
!!!!
إسلامية ؟؟؟
ليه ؟؟؟
ـــــــــــــــــــــــــــــــــــــــــــــــــ
لا تدخل المعبد وأنت آثم
ولا تذهب إليه وأنت غير طاهر الجسم
ولا تتهم أحداً فيه زوراً ، أو تغتابه هناك
لا تسع إلى الربح ولا تفسدنّك الرشوة، ولا تقف ضد الضعفاء محاباةً للعظماء
لا تطفف الكيل ولا الميزان ولا تنقصهما
لا تُفش أسرار الطقوس الدينية التي تشترك فيها، تلك الأسرار خاصة بالمعبد
لا تنضم إلى الفاسقين ولا تخالط السفلة
لا تقدم شيئاً محرماً ولا تستخدم العنف ضد أي إنسان
مواد القانون الخُلُقي عند الفراعنة
معجم الحضارة المصرية القديمة
ــــــــــــــــــــــــــــــــــــــــــــــــــــــــ
وجدت موقعاً لمجلة خليجية إسمها البيان ، معظم مقالاتها تدور حول الهويّة العربية وكيفية الحفاظ عليها
وعلى سبيل المثال ، يتحدث الأستاذ إبراهيم بن سعد الحقيل عن محاولات الغرب الكافر لطمس الهوية العربية عن طريق إحياء الحضارات الأخرى في المنطقة العربية، ويندد بمحاولات المستشرقين الذين تدثروا بعباءة الإنسانية ،وأحيّوا في العراق حضارة البابليين والآشوريين وشريعة حامورابي ، وفي الشام حضارة الفينيقيين والكنعانيين وفي المغرب العربي يحاولون نفخ الروح في القومية الأمازيغية وتدوين اللغة القديمة ،وإيجاد صِبغة تاريخية لتلك المنطقة قبل الإسلام
أما في مصر .. فقد أحيوا الفراعنة ونقبوا عن الآثار ،وأصبح المصريون يُسمّون بأحفاد الفراعنة
ــــــــــــــــــــــــــــــــــــــــــــــــــــــــــــــ
أيها الكاتب
لا تكسل
وإلاّ أصابك الندم
ولا تنغمس في الملذات
وإلاّ كنت من الفاشلين
أكتب بيدك
........
الخبر بتفاصيله منشور في الصفحة الأخيرة بجريدة الأهرام الخميس 15 مارس 2007
....................................
توقفت كثيراً أمام هذا الخبر
وخاصة أمام كلمة ( تمويل ياباني )... فريق ياباني متخصص في الترميم ، جاء من آخر بلاد الدنيا وبتمويل ياباني ليخرج أطلالاً فرعونية إلى النور ويُعيد إليها الحياة والجمال
لماذا ؟؟؟
لا شك أن البرديات والجداريات الفرعونية كانت ومازالت ، وبرغم كل المستحدثات والأيدلوجيات الوافدة إلى أرض مصر ... محوراً لإهتمام الكثير من المجتمعات الحديثة
عدانا نحن بالطبع
ـــــــــــــــــــــــــــــــــــــــــ
طبعاً الموضوع شدّني وجريت على النت ،وكتبت كلمة فراعنة
وطبعاً الجوجل طلعلي كل هسة جت فيها كلمة فراعنة
حتى يا فرعون إيه فرعنك قال مالقيتش حد يهدّني
ـــــــــــــــــــــــــــــــــــــــــــ
لحظة
......
مئات المواقع ما بين التاريخية والسياحية وحتى الرياضية والإسلامية
!!!!
إسلامية ؟؟؟
ليه ؟؟؟
ـــــــــــــــــــــــــــــــــــــــــــــــــ
لا تدخل المعبد وأنت آثم
ولا تذهب إليه وأنت غير طاهر الجسم
ولا تتهم أحداً فيه زوراً ، أو تغتابه هناك
لا تسع إلى الربح ولا تفسدنّك الرشوة، ولا تقف ضد الضعفاء محاباةً للعظماء
لا تطفف الكيل ولا الميزان ولا تنقصهما
لا تُفش أسرار الطقوس الدينية التي تشترك فيها، تلك الأسرار خاصة بالمعبد
لا تنضم إلى الفاسقين ولا تخالط السفلة
لا تقدم شيئاً محرماً ولا تستخدم العنف ضد أي إنسان
مواد القانون الخُلُقي عند الفراعنة
معجم الحضارة المصرية القديمة
ــــــــــــــــــــــــــــــــــــــــــــــــــــــــ
وجدت موقعاً لمجلة خليجية إسمها البيان ، معظم مقالاتها تدور حول الهويّة العربية وكيفية الحفاظ عليها
وعلى سبيل المثال ، يتحدث الأستاذ إبراهيم بن سعد الحقيل عن محاولات الغرب الكافر لطمس الهوية العربية عن طريق إحياء الحضارات الأخرى في المنطقة العربية، ويندد بمحاولات المستشرقين الذين تدثروا بعباءة الإنسانية ،وأحيّوا في العراق حضارة البابليين والآشوريين وشريعة حامورابي ، وفي الشام حضارة الفينيقيين والكنعانيين وفي المغرب العربي يحاولون نفخ الروح في القومية الأمازيغية وتدوين اللغة القديمة ،وإيجاد صِبغة تاريخية لتلك المنطقة قبل الإسلام
أما في مصر .. فقد أحيوا الفراعنة ونقبوا عن الآثار ،وأصبح المصريون يُسمّون بأحفاد الفراعنة
ــــــــــــــــــــــــــــــــــــــــــــــــــــــــــــــ
أيها الكاتب
لا تكسل
وإلاّ أصابك الندم
ولا تنغمس في الملذات
وإلاّ كنت من الفاشلين
أكتب بيدك
واقرأ بشفتيك
فبوسع القردة أن تتعلم الرقص
نص من وصايا المعلم إلى تلميذه
أدب الحكمة عند المصريين القدماء
ــــــــــــــــــــــــــــــــــــــــــــــــــ
موقع لمجلة لا أذكر إسمها
نقد شديد على لسان الدكتور جمال عبد الهادي لوزارة التعليم المصرية التي جعلت لتاريخ الملك مينا - في منهج إحدى السنوات الدراسية- ست صفحات كاملة ، وإختزلت تاريخ خالد بن الوليد وفتوحاته في ستة أسطر ، وإحتل نابليون وحملته على مصر34 صفحة
الدكتور جمال ... المصري في الغالب ، (واضح من الإسم وطريقة كتابته) يعيب على المصريين إختزالهم لدراسة التاريخ العربي ... لحساب التاريخ المصري
!!!!!!
ـــــــــــــــــــــــــــــــــــــــــــــــــــــ
أي قلبي ، يا أوفى جزء من كياني
لا تقف شاهداً ضدي في محكمة أوزوريس
لأنك الإله الموجود في جسدي
الفقرة الثلاثون
كتـــــاب الموتى
ــــــــــــــــــــــــــــــــــــــــــــــــــــــــــ
في كثير من المواقع - الخليجية على وجه التحديد - إرتبطت كلمة الفراعنة بالديانة المسيحية ، وذلك رغم وجود فارق زمني يقارب الخمسة قرون بين نهاية الحكم الفرعوني وظهور المسيحية في مصر، بل ويزداد الفارق إلى سبعة قرون كي تتحول المسيحية إلى الديانة الرسمية لمصر على يد الإمبراطور الروماني قسطنتين ، والربط يأتي دائماً في صيغة التحذير الموجه لمسلمي مصر من الإحتفال بكل الأعياد الفرعونية وعلاقتها بأعياد الأقباط ( قصدهم المسيحيين ) وذلك الربط يدل على تجاهل - أو جهل - بالمعنى الأصلي لكلمة قِبط والتي أُستخدمت لمدة طويلة وقبل ظهور المسيحية بمصر للدلالة على المصريين وليس المسيحيين
والدليل هو عدم وجود قبطي غير مصري ( قبطي لبناني أو سوري مثلاً) والدليل الثاني هوأن ماريّا القبطية زوجة الرسول ( أو جاريته كما يفضّل بعض الأخوة العرب تسميتها ) قد إحتفظت بإسمها ولقبها حتى بعد إعتناقها للإسلام
فبوسع القردة أن تتعلم الرقص
نص من وصايا المعلم إلى تلميذه
أدب الحكمة عند المصريين القدماء
ــــــــــــــــــــــــــــــــــــــــــــــــــ
موقع لمجلة لا أذكر إسمها
نقد شديد على لسان الدكتور جمال عبد الهادي لوزارة التعليم المصرية التي جعلت لتاريخ الملك مينا - في منهج إحدى السنوات الدراسية- ست صفحات كاملة ، وإختزلت تاريخ خالد بن الوليد وفتوحاته في ستة أسطر ، وإحتل نابليون وحملته على مصر34 صفحة
الدكتور جمال ... المصري في الغالب ، (واضح من الإسم وطريقة كتابته) يعيب على المصريين إختزالهم لدراسة التاريخ العربي ... لحساب التاريخ المصري
!!!!!!
ـــــــــــــــــــــــــــــــــــــــــــــــــــــ
أي قلبي ، يا أوفى جزء من كياني
لا تقف شاهداً ضدي في محكمة أوزوريس
لأنك الإله الموجود في جسدي
الفقرة الثلاثون
كتـــــاب الموتى
ــــــــــــــــــــــــــــــــــــــــــــــــــــــــــ
في كثير من المواقع - الخليجية على وجه التحديد - إرتبطت كلمة الفراعنة بالديانة المسيحية ، وذلك رغم وجود فارق زمني يقارب الخمسة قرون بين نهاية الحكم الفرعوني وظهور المسيحية في مصر، بل ويزداد الفارق إلى سبعة قرون كي تتحول المسيحية إلى الديانة الرسمية لمصر على يد الإمبراطور الروماني قسطنتين ، والربط يأتي دائماً في صيغة التحذير الموجه لمسلمي مصر من الإحتفال بكل الأعياد الفرعونية وعلاقتها بأعياد الأقباط ( قصدهم المسيحيين ) وذلك الربط يدل على تجاهل - أو جهل - بالمعنى الأصلي لكلمة قِبط والتي أُستخدمت لمدة طويلة وقبل ظهور المسيحية بمصر للدلالة على المصريين وليس المسيحيين
والدليل هو عدم وجود قبطي غير مصري ( قبطي لبناني أو سوري مثلاً) والدليل الثاني هوأن ماريّا القبطية زوجة الرسول ( أو جاريته كما يفضّل بعض الأخوة العرب تسميتها ) قد إحتفظت بإسمها ولقبها حتى بعد إعتناقها للإسلام
.......
معلومة على الماشي
ماريّا القبطية أنجبت لمحمد صلى الله عليه وسلم إبناً
إختلط فيه دم النبوة بدم الأقباط
وبكاه الرسول كثيراً يوم أن مات
والله يا إبراهيم ، إنّا بك لمحزونون
معلومة على الماشي
ماريّا القبطية أنجبت لمحمد صلى الله عليه وسلم إبناً
إختلط فيه دم النبوة بدم الأقباط
وبكاه الرسول كثيراً يوم أن مات
والله يا إبراهيم ، إنّا بك لمحزونون
ــــــــــــــــــــــــــــــ
معلومة تانية على الماشي برضه
في موقع المنتدي الإسلامي ،
كان فيه سؤال عن حُكم أكل الرنجة في يوم شم النسيم
وطبعاً كانت الإجابة حرام
ـــــــــــــــــــــــــــــــــــــــــــــــــــــــ
عندما يتحدث سكان شبه الجزيرة العربية عن حالها قبل ظهور الإسلام ،فإنهم ينتقدون بشدة تلك الصورة المتداولة والمغلوطة عن إنتشار الوثنية والفساد ، فإذا ما إنتقل الحديث إلى مصر ، قفزت أسطورة عروس النيل إلى الألسنة قبل العقول ، وكيف أنقذ العرب فتيات مصر من الموت غرقاً في النيل كقرابين مُباركَة من الكهنة
.......
وكأن مصر هيّا اللي كان فيها وأد البنات المذكور في القرآن الكريم
ـــــــــــــــــــــــــــــــــــــــــــــــــــــــــ
أحب زوجتك في إخلاصك لبيتك ، كما هو واجب عليك
أطعمها وأكسها
وإسع إلى ما يدخل السرور على نفسها .. طالما أنت على قيد الحياة
أدب الحكمة عند المصريين القدماء
ـــــــــــــــــــــــــــــــــــــــــــــــــ
معلومة تانية على الماشي برضه
في موقع المنتدي الإسلامي ،
كان فيه سؤال عن حُكم أكل الرنجة في يوم شم النسيم
وطبعاً كانت الإجابة حرام
ـــــــــــــــــــــــــــــــــــــــــــــــــــــــ
عندما يتحدث سكان شبه الجزيرة العربية عن حالها قبل ظهور الإسلام ،فإنهم ينتقدون بشدة تلك الصورة المتداولة والمغلوطة عن إنتشار الوثنية والفساد ، فإذا ما إنتقل الحديث إلى مصر ، قفزت أسطورة عروس النيل إلى الألسنة قبل العقول ، وكيف أنقذ العرب فتيات مصر من الموت غرقاً في النيل كقرابين مُباركَة من الكهنة
.......
وكأن مصر هيّا اللي كان فيها وأد البنات المذكور في القرآن الكريم
ـــــــــــــــــــــــــــــــــــــــــــــــــــــــــ
أحب زوجتك في إخلاصك لبيتك ، كما هو واجب عليك
أطعمها وأكسها
وإسع إلى ما يدخل السرور على نفسها .. طالما أنت على قيد الحياة
أدب الحكمة عند المصريين القدماء
ـــــــــــــــــــــــــــــــــــــــــــــــــ
يختلف سكان المناطق الصحراوية كثيراً عن سكان السهول، فالطبيعة المختلفة تبدو واضحة في كل شيئ
البنية الجسدية والملامح ،الأعمال ،الملبس والمأكل ، وكذلك السلوك
فسكان السهول ..عادةً ما يتخذون من زراعة الأرض مهنتهم ، والفلاح إنسان مستقر ، يرتبط بأرضه وزراعته ، فهو ينثر البذور ويرويها ، فإذا ما أتت ثمارها بدأ الحصاد ، فإذا ماإنتهى منه ... بدأ في تقليب التُربة وتنظيفها من جذور المحصول السابق ، حتى إذا ما أتى الموسم الجديد وجد الفلاح أرضَه شابةً عفية ... مستعدة لإستقبال البذور
أما الصحراء .. فتتطلب الترحال، ينتقل الراعي إلى حيث الأرض الخصبة واللون الأخضر ، فإذا ما إنتهت الخصوبة إنتهى غرضه.. ورحل عنها إلى أخرى جديدة ، تاركاً للطبيعة مهمة إصلاح ما أفسده الدهر
البنية الجسدية والملامح ،الأعمال ،الملبس والمأكل ، وكذلك السلوك
فسكان السهول ..عادةً ما يتخذون من زراعة الأرض مهنتهم ، والفلاح إنسان مستقر ، يرتبط بأرضه وزراعته ، فهو ينثر البذور ويرويها ، فإذا ما أتت ثمارها بدأ الحصاد ، فإذا ماإنتهى منه ... بدأ في تقليب التُربة وتنظيفها من جذور المحصول السابق ، حتى إذا ما أتى الموسم الجديد وجد الفلاح أرضَه شابةً عفية ... مستعدة لإستقبال البذور
أما الصحراء .. فتتطلب الترحال، ينتقل الراعي إلى حيث الأرض الخصبة واللون الأخضر ، فإذا ما إنتهت الخصوبة إنتهى غرضه.. ورحل عنها إلى أخرى جديدة ، تاركاً للطبيعة مهمة إصلاح ما أفسده الدهر
ــــــــــــــــــــــــــــــــــــــــــــــــــــــــــــــــ
في الكثير من المواقع الداعية للحفاظ على الهوية العربية ونبذ كل ما عداها ... أجد خلطاً للأوراق
فالحفاظ على الهوية العربية يتطلب إتّباع تعاليم السَلَف ، والتبرُء من كل الثقافات السابقة لظهور الإسلام .. حتى وإن لم تتعارض مع تعاليم الأديان السماوية والتي هي أولى بالإتّباع، مع تجاهلِ مُتعمد لحقيقة أنه ليس كل العرب مسلمين ، وليس كل المسلمين عرب
وأتعجب من كم الجهود المبذولة لإقناع المسلمين في المنطقة العربية ، خاصة في مصر ولبنان ودول شمال أفريقيا للتخلي عن هويتهم الأصلية قبل دخول العرب إلى بلادهم ، وكيف تصل تلك الجهود إلى حد الترهيب والتهديد بل والتكفير في بعض الأحيان
ـــــــــــــــــــــــــــــــــــــــــ
أتساءل ... كيف إستطاعت فرنسا أن تحافظ على هويتها التاريخية والثقافية ولغتها وقوانينها وسياستها الداخلية، برغم إنتمائها الديني للفاتيكان ، وإنتمائها الإقتصادي للإتحاد الأوروبي
....
أتساءل أيضاً ... ما هي الفائدة المُتوقَعة من وضع العقيدة الدينية في مواجهة مع الهوية القومية المختلفة لدول الوطن العربي
ما هو المكسب
ـــــــــــــــــــــــــــــــــــ
في إحدى المناقشات مع بعض الزملاء المقاربين لي في العمر.. تعجبت من تحوّل شعار القدس عربية إلى القدس إسلامية
فأجابني أحدهم في ثقة شديدة : طبعاً يابنتي ... أصل المسلمين لمّا إنتصروا على اليهود في حرب ستة أكتوبر
فقاطعته : قصدك المصريين لمّا حاربوا.... فقاطعني زميل آخر : بنقولّك المسلمين حاربوا اليهود ، هو مش الشعار كان الله أكبر
فالحفاظ على الهوية العربية يتطلب إتّباع تعاليم السَلَف ، والتبرُء من كل الثقافات السابقة لظهور الإسلام .. حتى وإن لم تتعارض مع تعاليم الأديان السماوية والتي هي أولى بالإتّباع، مع تجاهلِ مُتعمد لحقيقة أنه ليس كل العرب مسلمين ، وليس كل المسلمين عرب
وأتعجب من كم الجهود المبذولة لإقناع المسلمين في المنطقة العربية ، خاصة في مصر ولبنان ودول شمال أفريقيا للتخلي عن هويتهم الأصلية قبل دخول العرب إلى بلادهم ، وكيف تصل تلك الجهود إلى حد الترهيب والتهديد بل والتكفير في بعض الأحيان
ـــــــــــــــــــــــــــــــــــــــــ
أتساءل ... كيف إستطاعت فرنسا أن تحافظ على هويتها التاريخية والثقافية ولغتها وقوانينها وسياستها الداخلية، برغم إنتمائها الديني للفاتيكان ، وإنتمائها الإقتصادي للإتحاد الأوروبي
....
أتساءل أيضاً ... ما هي الفائدة المُتوقَعة من وضع العقيدة الدينية في مواجهة مع الهوية القومية المختلفة لدول الوطن العربي
ما هو المكسب
ـــــــــــــــــــــــــــــــــــ
في إحدى المناقشات مع بعض الزملاء المقاربين لي في العمر.. تعجبت من تحوّل شعار القدس عربية إلى القدس إسلامية
فأجابني أحدهم في ثقة شديدة : طبعاً يابنتي ... أصل المسلمين لمّا إنتصروا على اليهود في حرب ستة أكتوبر
فقاطعته : قصدك المصريين لمّا حاربوا.... فقاطعني زميل آخر : بنقولّك المسلمين حاربوا اليهود ، هو مش الشعار كان الله أكبر
......
تركتهم عائدة إلى عملي وأنا أسخر من جهل أبي وأمي ، اللذيّن أخبراني أن حرب السادس من أكتوبر كانت بين الجيش المصري والجيش الإسرائيلي ، وأنها كانت حرباً سياسية وليست دينية .
الغريب إن الزملاء الأفاضل ماكنوش عارفين هيّا كانت سنة كام هجرية
وأنا اللي قلتلهم
تركتهم عائدة إلى عملي وأنا أسخر من جهل أبي وأمي ، اللذيّن أخبراني أن حرب السادس من أكتوبر كانت بين الجيش المصري والجيش الإسرائيلي ، وأنها كانت حرباً سياسية وليست دينية .
الغريب إن الزملاء الأفاضل ماكنوش عارفين هيّا كانت سنة كام هجرية
وأنا اللي قلتلهم
الناس اللي في الحِتت دي
سرديات مصرية
هيباتيـــــــا
خريف البطريرك
بيقولوا كلام جامد جداً
56 Comments:
اهلا أميرة
اختياراتك للمواضيع دايما بتأكدلي انك انك انسانة دماغها مليانة مش زي ناس كتير
انا احب انهم يدرسوا كتاب خاص ومنفصل عن الحضارة الاسلامية..لأنها افضل نموذج لحضارة انسانية قامة على اساس من الايمان وانطلقت في كل مجالات الحياة من علم واداب واستفاد منها العالم كله
والحقيقة احنا محتاجين اوي المثال ده
لكن احب برضه اتعرض للحضارات التانية واتعلم منهم..ربنا بيقوا وجعلناكم شعوبا وقبائل لتعارفوا..يعني الاختلاف سنة الله في الارض..والتعارف والتأثير والتأثر بالاخر شئ اساسي..عقدتي بتقولي ان ديني دين كامل..لكن التأثر بايجابيات الاخر-لأن اكيد فيه امور لم تفصل في الدين من الامور الدنياوية- شئ لا ينتقص من دينا اطلاقا..بالعكس... سبحان الله..افتكر ان سيدنا سلمان الفارسي - او احد الصحابة عشان مغلطش- في عزوة الخندق اشار على النبي عليه الصلاة والسلام بحفر الخندق وده كان تكنينك مش معروف في شبه الجزيرة العربية لكن كان معروف في بلاده هو
الا اني..مع تعرفي بالاخر وتأثري بيه وتأثيري فيه احب اكون دايما بهوية مسلمة.. وده مش معناه اني اتنصل من مصريتي مثلا..لا ابدا..لكن افتكر دايما ان كل مسلم ينتمي ليا وانتمي ليه وهمه يهمني ومن ناحية تانية..متتحولش مصريتي او عروبتي او اي انتماء ليا بعد الدين سبب لانفصالي عن الدنيا التانية وشعورى بالتميز او بالافضلية
تحيات ذات حيثية كبيرة اوي
احيكى على ثقافتك المتشعبة والى انا استفدت منها فى البوست ده
لا تسخرى من جهل ابوكى وامك..
ولكن اسخرى من جهل من هم حولك..من الذين اختاروا ان يصدقوا ويأمنوا لاى كتابات آراء دون شقاء البحث والتحقيق..
لقد تفننا فى اشياس لم يسبقنا لها احد
قوميه..وطنيه.. عربيه..
الهويه اصبحت كالطبيخ الهندى مليئه بالبهارات حتى اصبحنا لا نشعر بطعم ما هو مطبوخ
موضوع شيق
تحياتى
مجهود أكثر من رائع يا أميرة , وبوست ممتع يطرح أكثر القضايا أهمية , وهى قضية الخلط الفكرى الحاد الذى وصلنا إليه ألآن . قد لا تسعنى مجلدات كى أذكر لك أسباب ما وصلنا إليه وكيف ومتى , ولكنى فقط أود أن أجيب عن سؤالك حول فرنسا , وكيف أستطاعت أن تحافظ على هويتها و تواصل حضارتها : و السبب بسيط , ففرنسا دولة علمانية , وأكرر , دولة عـــلــمـــا نية , أى تفصل الدين عن الدولة , فالدين فى الكنائس و المساجد و المعابد , و من شاء أن يؤمن فليؤمن , ولكن ذلك لا علاقة له بنظام الدولة أو القانون أو الإقتصاد أو الحريات أو الفكر , وهكذا تحرروا . المشكلة لدينا , إننا كمن رقصوا على السلم , فلا نحن صراحة دولة علمانية - نخشى أن نعلن ذلك - تأخذ بأسباب العلم و بأسباب الحضارة , ولا نحن دولة دينية -صراحا- , بل نحن دولة أدمنت اللعب على جميع الحبال , حتى بهتت هويتنا و ضاعت . و أقول لك أخيرا , أن المفكرين فى أى دولة متحضرة , هم القادة الحقيقيين للمجتمع ,و ليس من قادتهم الصدفة العمياء إلى سدة الحكم !!
f3lan ana la7ezt el khalt dh fe mwakef kteer bs mafesh m7awlat tas7e7 aw t3ref men ganeb masr..bs han2ol eh.....we 3moma slobk 7elw awyyy fe el ketaba deh awel mra azor el mdwana we isa msh hatkon el akhera
عزيزتي أميرة
البوست ده مختلف
حاسة انه بيشكل نقله نوعية في كتاباتك
على فكرة بخصوص موضوع الفراعنة: لو كتبت اسم صديقنا سردية لكن باسمه الحقيقي شريف الصيفي ستجدي عدد من المقالات الهامة نشر أغلبها في جريدة أخبار الأدب،إلى جانب ترجمته الرائعة لكتاب الموتى انا شخصيا استفدت بها كثيرا في كتاباتي
واشكرك جدا على وضع عنوان مدونتي عندك، لفتة جميلة منك اثلجت صدري
برافوا
فكرتك في التجوال عبر الصفحات المختلفة وعنصر الأختيار الذي غطى تقريبا اغلب التوجهات في مجتمعنا
حقيقي استمتعت بالبوست
ارجو المواصلة
هيباتيا
اميرة
بدون مبالغه كنت سابكى و انا اقراء كلماتك الجميله اشعر بالضياع الان اعتقد اننا الان نقتل انفسنا و تجردنا من انسانيتنا و من الانتماء لم تعد مصر وطن لى و انما وطن للفساد و الجهل
مجهودك فى جمع مواد التدوينه رائع ممكن اكون صديق دائم للبرنامج
العزيزة اميرة
اتفق مع الأخت هيباتيا على ان هذا البوست فعلا مختلف
طرحت موضعات كلها مهمة
وإن كانت كلها تتمحور حول الهوية في مفهومها الواسع
اقترح المواصلة في هذا الموضوع وفتح حوار حول مفهوم الهوية والنبش عن مفرداتها في التاريخ والحاضر وعن عناصرها الثلاث الثقافية والسياسية والتاريخية
وطبعا العامل الثقافي هنا بمفهومة الواسع اي التراث والدين واللغة
واضح ان المدونة دي حتشهد صيف ساخن قوي
اشكر لك الاشارة لمدونتي عندك
أشكرك بشدة
شريف الصيفي
اميرة
هايل جدا ايه دا يا بنتي؟
انا حبيت المطرح هنا جوي
انتي حرة مش هتعرفي تمشيني
تاريخ كمان؟ يا حلاوة اصل محسوبتك دارسة تاريخ عن حب
احييكي ع الدماغ التقيلة دي
مش عارف أقول إيه بصراحة
المواضيع دى محطوطة فى موضوع واحد إزاى
لاء بجد تناسق جميل ومفيد
شكرا يا أميرة على المعلومات
وعادى بقة
أودى
انا عايز اقولك اولا تحياتى على مجهودك المضنى ده عشان توصلى لينا الموضوع الشيق ده
طريقة كتابتك جميله ومش ممله رغم طول البوستك بصراحه انا دوخت وعملولى مية بسكر
عجبنى البارت بتاع حرب اكتوبر اللى كانت بين المسلمين و الخونة اليهود وقعدت اضحك بعد ما شربت المية بسكر طبعا
وسألت نفسى هيا الحرب دى كانت امتى يعمى قبل غزوة تبوك ولا بعدها على العموم ما علينا المهم اننا انتصرنا وخلاص
وشعار الله اكبر ده شعار كل الاديان
العيب فى الجهل اللى عشش فى عقولنا وخلانا نفتكر اننا المصريين مسلمين وبس واى ديانه اخرى على ارض مصر ديانه مؤقته وبنعد ليهم ما استطعنا من قوة عشان نمشيهم
طب هنوديهم فين
لا حول ولا قوة الا بالله
على العموم مش هطول عليكى
سليميلى على ابو الابسام حبيبى
وزورونا تجدو ما يسركم
ايمن فاروق
موضوعك رائع .. و ينكأء جرحا فى توقيت شديد الحساسيه كنت عن نفسى أحاول فيه تأجيل اكتأبى و لو لفتره .. و ها أنت تدفعين بفكرة الغزو الصحراوى لحضارات الوديان الخصيبه .. عموما أعتقد أن كتاب الدكتور جمال حمدان استراتيجية الأستعمار و التحرير كان فيه مقارنات تفصيليه مبدئيه لفوارق الحضارات و من ثم الشعوب وفقا لأختلاف جغرافية بيئتها .. و أتفق معك فى أن أخلاقيات الصحراء التى وردتنا منذ منتصف الستينيات شكلت مع ظاهرة التأمرك أسوأ غزو حضارى و ثقافى للعقل المصرى, و قد أوصى هنا بمراجعة أبحاث الكاتب السورى نبيل هلال هلال بعنواوين - الأستبداد و دوره فى انحطاط المسلمين - اعتقال العقل المسلم - الأسلام الحنيف بين التحريف و التخريف ..عموما ..منك لله .. فقد بدأت موضوعا شائكا .. لا أظن المشاركه اللائقه فيه تكون بأقل من بحث كامل أنشره قريبا بأمر الله و بأهداء لك و هيباتيا و طبعا الأستاذ شريف الصيفى
أشكرك على موضوعك المؤلم الموحى
اليابان عاملة نص البلد تقريبا
!!!!!
الموضوع عجبنى جدا جدا وبجد حسيت بالاستفاده من ترتيب الافكار للى انتى عايزة تقوليه
موافقاكى ميه فى الميه
ومش فاهمه برده سبب لزق الدين فى دماغنا لتحديد الهويه .....
وعندا فى مدرس التاريخ الرخم انا رايحه اجيب كتاب عن حتشبسوت..واقراه واطلعلوا لسانى
وفعلا فعلا لازم نهتم بالحضارة بتاعتنا وبتاعه غيرنا كمان لانهم بجد معارف رائعه
والمدونات اللى انتى اشرتى ليها حلوة جدا وفيده وممتعه....
مش عارفه اقولك ايه لكن انا اتبسطت بالموضوع جدا واسلوب التناول للفكرة
اميرة
هو انتى مستنيه تعليق ع الموضوع ده ؟
انا حابة احتفظ بمساحة صمتى
ينفع ؟
اختياراتك للفقرات اللى بالأحمر
بجد وهم
و كلامك نفسه كلام حد بيفهم
فسيبك م اللى هيقول غير كده
العنوان بقى
بجد
قنبلة لوحده
اميرة
البوست ده ما يتردش عليه
ده يتقرى و تغمضى عينك و بس بعد كده
تسمعى صوت موج البحر بقى
ازيك يا ميرو
الموضوع جميل وحلو
بس فيه بعض الحجات اللى عاوزة تتظبط
لو فعلا والدك قالك ان الحرب كانت بين الجيش المصرى والجيش الاسرائيلى يبقى غلطان
وفاهم الموضوع غلط
حرب 73 كانت حرب شبه عالميه
بين المسلمين
واليهود
فى كل انتحاء العالم
يعنى حرب دينيه بحته
هما كان بيجاهدو من وجهه نظرهم عشان يحققو وعد الرب
اللى هما بياكدو ان الرب وعدهم انهم هيملكو ما بين دجله والنيل
واحنا عاوزيين ندخل القدس زى ما بيقول القران ووعدنا ربنا
الحرب شاركت فيه كل الدول العربيه
اللى مشتركه فى الحدود
واللى مش متركه
زى السعوديه وليبيا
الى اخره
وشاركت فيها الول الغير عربيه
زى ايران
عشان كده السادات دفن الشاه فى جامع الرفاعى عندنا
وامريكا لما شاركت شاركت عشان ضغط اللوبى الصهيونى
السادات كان لابس عبايه صلاح الدين
كان بيقول انا رجل مسلم ورئيس دوله مسلمه
وكانت علامه الصلا منورة فى وشه
وكان بيبدا خطبه بسم الله
وعاوز اقلك حاجه الانتماء لازمن يكون اولا للعقيده
الانتماء لوطن محدود بحدود ده انتماء اجوف
يعنى اللى بينتمو لروسيا خربوها
واللى بينتمو لافكار ماركس حررو
قارات
وعملو من نفسهم اوطان
واحنا كمصريين طول عمرنا بننتمى لعقيدتنا
أميرة
أولاً وقبل أي حاجة أحب أوضح بس إني مؤمنة بالله وباليوم الآخر وبكتبه ورسله وعقيدتي هيّه الإسلام والحمد لله وإخترتها بكامل إرادتي بعد ما قريت في كل الأديان
إتفقنا ؟
.......
أنا معاكي إن الحضارة الإسلامية تستحق يكون لها كتاب منفصل ، علشان نقدر نعرف هيّا أفادت العالم في إيه
بس أقترح عليكي إنك تقري كتب عن الحضارات الأخرى وخصوصاً اللي سبقت ظهور الإسلام علشان تقدري تعرفي كمان الحضارة الإسلامية إستفادت قد إيه من الحضارات اللي سبقتها
وده إتباعاً لقاعدة التسلسل اللازمة لدراسة وفهم التاريخ
.......
تعبير الحضارات التانيةاللي إستخدمتيه ده دلالة على الحضارة المصرية القديمة مثلاً ؟
علشان لو بتعتبري حضارة مصر القديمة دي حضارة تانية يبقى ها أختلف معاكي .. علشان حضارة الأرض اللي إتولدنا عليها هي الحضارة الأولى في حياتنا وكل ما عداها واجب علينا نعرفه بس بعد ما نعرف حضارتنا الأصلية الأول
وده ينطبق على تعبير الآخر اللي إستخدمتيه
.......
أميرة
عايزاكي تعملي بحث على النت عن علماء خرجوا من شبه الجزيرة العربية ، وقوليلي النتيجة
.....
أشهر علماء الحضارة الإسلامية خرجوا من حضارات سبقت الإسلام ، أكيد إستفادوا من الدين ، بس الأكيد برضه إنه ماكنش المرجع الوحيد وكل ما عداه حرام
.....
اللي قصدته من البوست إن مش كل اللي بره الدين حرام
لازم العقل يشتغل شوية
ولازم أمنع عن عقلي عمليات غسيل الدماغ اللي بتيجي من الآخر ومش كل حاجة تيجي من ناحية الأراضي الحجازية تكون منهج لحياتي لأني من حضارة مختلفة وطبيعة مختلفة وتاريخ أكثر تحضراً
....
أميرة
أنا مش فاهمة يعني إيه هوية مسلمة !!
!!!
الإسلام عقيدة مش هوية
ولمّا بعض الناس يستخدموا قوة ورسوخ العقيدة لمسح الهوية
إسمحيلي
لازم نفرق بين الإسلام كدين وبينه كشعار للغزو الثقافي البدائي اللي بيحصل من خلال التنكر لتاريخ أجدادنا وأرضنا
....
أميرة
ربنا قال في كتابه
شعوبأً وقبائل لتعارفوا
مقالش
ليمحو بعضكم بعضاً
.....
تحيات ليها نفس الحيثية
وزيادة شويتين
الأرموطي
أنا اللي أحييك يا فندم
جملة زي اللي إنت قلتها دي معدتش بتتقال
بيقولوا كلامك غلط
أو بيقولوا آه ما إحنا عارفين
أحييك بجد وميرسي لزيارتك
المهاجر المصري
أكيد لم أسخر من أبي وأمي
علشان الأب والأم دول مقدسين من أيام أجدادي الفراعنة، اللي بفخر بإنتمائي لتاريخهم
بس بما إن أبويا وأمي مقدسين بس كلامهم نفسه مش مقدس
فعلشان كده دوّرت علشان أتأكد من صحة معلوماتي
والحمد لله تأكدت إن الجيش المصري هو اللي كان على الجبهة يومها
هههههه
تحياتي وشرفتني بزيارتك
باسم
كفاية إني أقولك المعني المتداول لكلمة علماني
يعني كافر
إذن فرنسا دولة كافرة
وجميع الدول المماثلة كافرة
بس مفيش أي مانع إن بعض متبعي السلف يستخدموا أحدث إختراعات الدول الكافرة دي زي الحاسب الآلي مثلاً علشان ينقلوا أفكارهم للعالم
وذلك بعد أن ثبُتَ أن كتابة الأفكار على رقع من جلد الغزال لا تلقى رواجاً مع الجيل الجديد
ميرسي إنك كمّلت على كلامي
ووضحت الأمور أكتر
ومنوّر يافندم
العزيزة أميرة
تدوينة جميلة وبها مجهود كبير جداً , مزجك لكتاب الموتى فى التدوينة فكرة هايلة , الفقرات التى أخترتيها جميلة وأصبحت كأنها خلفية ملونة للتدوينة نفسها وفى نفس الوقت تربط القارىء بتاريخه وهويته المصرية.
فى أحد تعليقاتك ذكرتى أن الدين عقيدة وليست هوية جملة هايلة وذواعية جداً .
وأخيراً أشكرك على الأشارة لتدوينتى فهذه مجاملة رقيقة جداً
سعيد بتواصلنا وأتمنى دوام التقدير المتبادل والتواصل المثمر
تحياتى
عاجل، عاجل لأميرا
خليك هادية ولا تدع هذا المتلطع على مدونتي ان يجرك على أرضيته
انتي الأجمل
والأكثر صدقا والاكثر اتساقاً
هيباتيا بتحبك اوي
الموقره أميره
حضرت توا من مدونة هيباتيا .. فوجدتها سبقتنى و تحدثك بما رغبت أن أحدثك به .. عموما .. ثقى فى أن الله قد خلق لك العقل لتعمليه و تتدبرى به .. و سيدنا ابراهيم أبو الأنبياء لم يصل لليقين ألا بأعمال العقل .. و بعد كفر بأصنام أهله عملا بعقله .. و بعد أن جرب و تسائل عن عبادة الشمس و القمر و النجوم .. قال أنى ذاهب ألى ربى سيهدين .. و فعلا هداه الله .. و حتى بعد أن آمن ابراهم و كان خليل الله .. سأل ربه أرنى كيف تحيى الموتى .. فسأله رب العالمين أولم تؤمن ..؟ فكان رد أبراهيم أن بلى - أى اعترف بأنه مؤمن - لكنه سأل سؤاله و أعمل عقله لكى _ يطمئن قلبى - قلب المؤمن الحقيقى لا يطمئن أبدا أذا ركن عقله للسكون و الركود .. أعمال العقل أول طريق اليقين ..فلا تلتفتى لمقولات تافهه .. و استمرى و أمتعينا و أنيرى طريقا لكل قرائك
بالمناسبه .. هناك قاعده منطقيه تقول : حين يتحول الدين ألى قوميه .. فهو يكف عن كونه دينا
أذكر تلك القاعده تعليقا على من قرر أن تكون هويته هى دينه فقط ..بينما الدين فى أصله هو علاقة الفرد الخاصه بربه الواحد
لا تحزنى .. و لا تتأخرى فى كتبة المزيد
ert3ashat
يا أهلاً بيك
قصدك من جانب الحكومة المصرية يعني ؟؟
أعتقد إن الحكومة والخارجية والناس دي مش فارق معاها
المشكلة في الإنسان المصري العادي اللي أصبح الدين مرجعيته الوحيدة لتفاصيل حياته اليومية وأحداثه التاريخية كمان
ميرسي على زيارتك
تحياتي
الجميلة هيباتيا
أشكرك بشدة
بخصوص النقلة فإنتي السبب فيها ، علشان أنا حسيت إنه من الضروري من وقت للتاني نتكلم جد وفي مواضيع مهمة أنا شايفاها من وجهة نظري أحد أهم الأسباب للي وصلناله دلوقتي
ميرسي على مصدر المعلومات الثري اللي أشرتي إليه
الإشارة واجب لا يستحق الشكر
تحيلتي
blank-socrate
يا أهلاً
لا لا لا ضياع إيه ؟؟
أنا باتكلم عن مصر
عندنا حاجة مش موجودة في أي حتة في الدنيا
عندنا جامع النبي دانيال
وكنيسة محمد المرعشلي
والله إحنا شعب زي العسل
فُكّها بقى
والبرنامج بيرحب بمشاركتك دايما وبنعتذر لو الخطوط مشغولة
تحياتي
أستاذ شريف
أولاً أشكرك على الزيارة والمشاركة
ثانياً
أنا قلت أشوف الناس اللي هناك دول عايزين إيه بالظبط وبعدين أتكلم عننا إحنا بقى
وبصراحة إقتراح حضرتك ده شاغل دماغي من زمان ويارب أقدر
برضه مفيش شكر على واجب يافندم
بس مفيش ولاّ تصحيح صغير ؟؟
.....
شرفتني يا أستاذ شريف
تحياتي
zenzana
راندا الجميلة
بيتك ومطرحك
أنا كمان حبيت مدونتك قوي
ويللا ورينا همتك في التاريخ
آخر حاجة تاريخية كتبتيها كانت عن كفافيس وكانت رائعة
يللا بقى
عايزين نشتغل شوية
منوراني والله
ody911
منوّر
قول إنك هتقعد تقرا وتدوّر في التاريخ
علشان لمّا حد من شيوخ العرب يتكلم عن مصر بشكل بدائي وهمجي ، يلاقي عقول مصحصحة ومستعدة للرد
ومدعومة بمعلومات تاريخية وخلفية ثقافية واعية
مبدئياً
إعمل بحث على النت عن ماريّا القبطية مثلاً
وإقرا وقوللي رأيك
تحياتي
raspoutine
يا أهلاً بشاهبندر التجار
مبدئياً الجمع بين المية والسكر حرام
علشان المية مؤنث والسكر مذكر
ووجودهم في كوباية واحدة يعتبر خُلوة
يللا ماهي ناقصة
......
الحمد لله
طمنتني يا أيمن والله
حلو قوي تعبير ديانة مؤقتة اللي إستخدمته ده
إحنا قاعدين مستنين إخوتنا يغيروا عقيدتهم علشان نعتبرهم مصريين
أو نتبرّى من مصر كلها
شرفتني يا أيمن
وسلامك وصل يا باشا
lastknight
ميرسي يا فندم
بس الفضل يرجع لأستاذ شريف والأستاذ علاء وهيباتيا الجميلة
......
كتاب جمال حمدان طلعهولي زوجي العزيز من مكتبته العامرة بعد ما كتبت البوست ، وهاقراه إن شاء الله
وأكيد هادوّر على كتب نبيل هلال كمان
ميرسي بجد على التوجيهات المفيدة دي
.....
مني لله ليه بس ؟؟؟
ههههه
الحراك الفكري ده عز الطلب لمواجهة ما نحن فيه
وأنا في الإنتظار يا فندم
وشكراً مقدماً
شرفتني
sharm
فعلاً
والصين عاملة النص التاني
sara
أنا اللي مش عارفة أقولك إيه على دماغك الحلوة دي ؟
بجد يا سارة
قد إيه أنا فرحانة بيكي
وإختيارك لحتشبسوت تحديداً، برغم إني عارفة إنك بتهرجي يعني،إختيار مناسب جداً
علشان اللي يقول إن المرأة قبل الإسلام كانت مُهانة وحقوقها مُهدرة
يعرف إن كلامه ممكن يمشي على المرأة في أي حتة غير مصر
حتشبسوت حكمت مصر 21 سنة
شجر الدر حكمت مصر 80 يوم
!!!!!
تحياتي يا سارة
ياسمين
طبعاً عايزة تعليق
أي حاجة طيب
حق الورد حتى
.....
عايزة أقولك حاجة
مش أقولك إنتي تحديداً يعني
أنا عايزة أقولها ومش عارفة أقولها فين
وماليش غيرك أفضفض معاه يا أختي
الرسول عليه الصلاة والسلام قال
إنمّا بُعثتُ لأُتمّم مكارم الأخلاق
..
أُتمّم دي
كلمة جميلة وموحية وتخللي الدماغ يشتغل
......
تحياتي من على شط النيل
أو البحر
زي ما إنتي عايزة
انتى دماغ يا بنتى
بس سيبك احنا بنحب نفسنا ومحدش هيقدر يقف قدام الحنين المصرى الاصيل حتى لو ادعى انه بيتكلم باسم الاسلام
veterinary
يا أهلاً يا دكتور
ميرو دي دلع لي ولاّ للمدونة ؟؟
هههههه
.....
مبدئياً
أبويا الله يرحمه حارب في 67 وكان معاه على الجبهة أصدقاءه المسيحيين وكلهم كان إسمهم الجيش المصري
وغالباً ده كان الوضع القائم في 73 برضه
ولاّ تفتكر المسيحيين دفعوا الجزية علشان ما يشتركوش في الحرب ؟؟
هههههه
إسأل حد شارك في الحرب عن اللواء أركان حرب شفيق متري سدراك
واللواء باقي زكي يوسف وغيرهم كتير
وبعدها تعال نشوف كان جيش المسلمين ولا جيش المصريين
......
اليهود كانوا بيحاربوا علشان يحققوا وعد ربنا ليهم
موافقة بتحفظ
بس أرض الميعاد حسب كلامهم من النيل إلى الفرات
مش دجلة
......
ربنا وعد المسلمين بدخول القدس ؟؟
عندي قصور في المعلومات بخصوص الموضوع ده
من فضلك تكتبلي إسم السورة القرآنية ورقم الآية المذكور فيها الوعد ده
......
بخصوص الدول العربية اللي شاركت مصر في الحرب فده موضوع كبير مينفعش أرد عليه هنا
بس أوعدك برد مدّعم بالمراجع
......
السادات كان مسمّي نفسه الرئيس المؤمن مش المسلم
إرجع للكتب يا دكتور
بخصوص خطبه اللي كان بيبدأها بإسم الله
أحب أقولك إن اللي كان بيكتبها وبيصيغها للرئيس السادات
هو موسي صبري وكان مسيحي بالمناسبة
........
موضوع الحروب الدينية بين المسلمين واليهود
يا ترى هتلر كان دوره فيها إيه ؟؟
وحرب المسلمين ضد المسلمين اللي شاركت فيها أمريكا بقوات متعددة الجنسيات والأديان ، وكان إسمها عاصفة الصحراء وقصدي على حرب الخليج الأولى
دي تسميها إيه ؟؟
حرب دينية برضه ؟؟؟
.....
دكتور محمد
هاكرر كلامي اللي قولته لأميرة البلطجية
الدين عقيدة
والهوية أرض وتاريخ وثقافة ووطن
.....
فيه بوست جديد
ياريت تسمعه
علشان تعرف من السادات نفسه إحنا كُنّا بنحارب ليه
تحياتي
أستاذ علاء
أخجلتم تواضعنا والله يافندم
ولمّا ده يكون رأي حضرتك ، يبقى أنا لازم أتغرّ والله
....
بالنسبة للنصوص الفرعونية اللي إخترتها
أنا بس حبيت أقول للناس اللي بتقول إن قبل الإسلام ما كنش فيه مبادئ أو قيم . يا ريت يعيدوا نظر في الموضوع ده
ويارب تكون الفكرة إتغيرت
ولا شكر على واجب يافندم
وتحياتي وإحتراماتي
هيباتيا الجميلة
حاضر يافندم
وأنا أسفة إني إنفعلت ورديت بالشكل المندفع ده
وأسفة تاني على إستغلال مساحة التعليقات عندك في حوار فجأة بقى شخصي بدون مناسبة
تحياتي وإمتناني
lastknight
والله هوه ده اللي بقصده بالظبط
الترتيب
ترتيب الوقائع التاريخية
ترتيب نزول الرسالات
ترتيب الحضارات
ترتيب الأسئلة
سيدنا إبراهيم قال
رب أرني كيف تحيي الموتي
بعد ما عرف الأول أن للكون خالق أعظم
وآمن بيه
وبدأ يفكر
....
يعني ماينفعش أتكلم عن تاريخ الإسلام وأنا مش فاهمة الإسلام نفسه
ولا قادرة أكتب لُغة عربية صح
مش معنى كده إني بقيت عليمة ببواطن الأمور ولا حاجة
بس بقى عندي حصيلة ثقافية وفكرية تخليني أقول رأيي وأدافع عنه
ولو على قدّي
وفي نفس الوقت أسمع غيري بيقول إيه يمكن أفهم حاجة جديدة
أنا مش حزينة
أنا متغاظة
بس خلاص كلام حضرتك وكلام هيباتيا
عمل الواجب وأكتر
تحياتي وإمتناني
mariam
ياسلام عليكي
بس والله أنا ماكنش قصدي كُل اللي بيتكلموا بإسم الإسلام ولا بإسم المسيحية
ولا حتى اليهودية
ناس كتيرة منهم على عيني وعلى راسي
طالما ما بيوجّهوش إهانة لبلدي وأهلها
منوراني يا فندم
This comment has been removed by the author.
السلام عليكم
اسف دخلت علي الموضوع ده بدل ما ادخل علي الموضوع اللي علقت فيه اساسا
وافتراض سوء النيه مني كمان ( اسف )
كنت عايز اقول معلومه بسيطه قوي بمناسبه اني دارس اثار يعني كلمة قبطي جايه من اللاتينيه اللي هي اساسا جايه من اللغه المصريه القديمه اللي اصل الكلمه ( جب ) بتعطيش الجيم ومعناها the landاللي بمعني الارض مصر وانا ناوي اكتب بوست عن اصل الكلمه ديه بما انها دراستي
بالنسبه لحتشبسوت بقي هي حكمة مصر المده ديه اه بس علي انها رجل مش علي اساس انها امرأه وطبعا للتاكيد ارجعي لنقوشها علي جدران معبدها بالدير البحري او لكتابات سيلم حسن اللي منتشره ودا عالم كبير قوي
يعني من زمان والمرأة حاسه بانها اقل من المرأة
بالنسبه لشجرة الدر كمان هي حكمة 80 يوم بس لما حست ان الشعب مش متقبل ده حبت تجيب واحد ملك يبقي صورة يعني وفي الاخر معرفتش
انا مش اقصد اكدب كلامكم ولا حاجه انا بس حبيت اصحح زي ما انتي عايزه تصححي انتي كمان مفاهيم
شكرا وأأسف للاطاله
مهند المصري ( المصري قوي كمان )
السلام عليكم
مش عارف ايه اللخبطه اللي انا فيها ديه
انا نسيت كلام وكلام كتبتو غلط الظاهر كده ايدي بتترعش
حتشبسوت حكمت مصر علي اساس انها راجل ولفقت قصه وروايه للموضوع ده
بس الصراحه كانت ذكيه قوي لفقتها بشكل فظيع
وشجرة الدر كانت في التاريخ الاسلامي يعني مينفعش تستدلي بيها في موضوع حقوق المرأة قبل الاسلام
اما بالنسبه لكتاب الموتي فهو كتاب لذيذ بس ايام ما كنت في الجامعه كنت بكرهوا لاني مضطر اطلع عليه باللغه المصريه القديمه وخطوطها اللي تعقد
مهند المصري
مهند
واحدة واحدة
بالراحة
....
شوف ظلم الإنسان لأخيه الإنسان
هههههه
خلاص حصل خير
......
بما إنك متخصص إكتب بقى يا أستاذ
خلّي المعلومات تتصحح
ورينا الهمة وكفاية إفترا على الجنس اللطيف
.....
حتشبسوت ما حكمتش مصر على إنها راجل
الست كانت متجوزة ومخلفة كمان
الموضوع كله إنها كانت بتستعمل صيغة المذكر سواء في الحديث أو الإشارة لنفسها
وصوروها على الجدران والتابوت على شكل فرعون
وبعدين في عهدها حصلت حاجات عظيمة زي إزدهار الفن والتجارة وإعادة فتح قناة سيزوستوريس
مش عارفة كاتباها صح ولاّ إيه ؟
...
سليم حسن ؟
إنت هتقولي على الموسوعة
دي حبيبتي
.....
أنا لما جبت سيرة شجر الدر
كنت باقارن قبل وبعد
علشان اللي بيقولوا
قبل كان وحش وبعد كان حلو
بس
إعمل بحث على كتاب الموتي
أو أستاذ شريف الصيفي
وهتلاقيه مُترجم
ميرسي يا مُهند جداً
وشرفتني بالزيارة والله
السلام عليكم
الظاهر انها هتبقي مناقشه بجد بقي
انا درست مدام حتشبسوت سنتين
سنه في تاريخ مصر من ضمن الملوك
وسنه لوحدها في القراءات الاثريه
والقراءات الاثريه ديه يعني اي حاجه اتكتبت باي لغه عن اثار مصر كنا كل سنه بنوع الماني فرنسي انجليزي وكويس انهم مجابولناش ياباني
......
حتشبسوت يا سيديتي قصتها باختصار كالتالي ( اللي هي الفتها يعني )
قالت ان الاله امون حب امها قوي وراح معاشرها وجاب منها حتشبسوت علي شكل ذكر راجل يعني وهي مخلوقه راجل فلما بقي خاف من الخدم والحشم والحاجات ديه يفتنو للمك والملك يقتلها علي اساس انها هتكون الوريثه الشرعيه للبلاد بما انها بنت الاله امون راح الاله امون جسدها في صورة امرأة لحد ما ربنا يسهل يعني زي ما احنا بنقول ولما جوزها مات اتجوزت اخوها وحاجات كده مفهمتهاش لانهم كانو بيتجوزو بعض بطريقه هبله
.......
من الدلائل علي انها كانت عامله نفسها راجل انها كانت بتمشي عاريه الصدر ودا كان عند الفراعنه عيب قوي وحرام
المهم انا واثق من الكلام ده الحمد لله والا يبقو كانو بيعلمونا غلط ولما ودونا الوادي البحري فهمونا النقوش غلط
بس عموما انا مش عايز ادخل في مناقشه مطوله بس حبيت اصحح معلومه وبشكرك لسماحك بكده
............
ايه ظلم الانسان ده انتي مفيش غير البوست ده اللي قرتيه وبنيتي علي اساسو اتجاهاتي لا والله انا بكتب عن حاجات كتير قوي حتي نفسي ابقي زي انيس منصور
.............
كنت عايز اعمل بوست اسمو حوار مع ملحد اخاطبو بالعقل وعلشان كده سالتك علي اساس خبرات سابقه لو كان ممكن تفيديني يعني اصل الموضوع صعب قوي عليا وانا بحاول فيه بقالي شهر كونت اغلب افكارو
اشكرك بشده وعمق
الباحث عن الحقيقة
مهند المصري
مُهند
أنا مقدرش أقول إنهم كانوا بيعلموا غلط
عيب طبعاً أقول كده
وبعدين أنا مش دارسة تاريخ بتخصص قوي يعني
أنا قريت إنها كانت بتحكم مكان أخوها الصغير لأنه كان لسه صغير والكهنة كانوا رافضين وعلشان كده تشبهت بالرجال في اللبس ونبرة الصوت والألقاب بس ماقالتش إنها راجل
وأعتقد إننا متفقين لحد هنا
أي إختلاف تاني بقى إنت اللي هتكسب لأنك دارس
أكيد طبعاً
.....
ظلم الإنسان اللي قصدته هوه سؤالك عن التعليق اللي أنا مسحته وأنا مامسحتوش ولا حاجة
لكن عندك أنا عارفة إنك بتكتب في حاجات كتير
.....
موضوع الحوار اللي عايز تعمله
مبدئياً
أنا نسيت
أنا بقالي حوالي سبع سنين بحاول أنسى
فخلاص بقى
بس نصيحة
أي حد هيكون بيشتم في الدين ورموزه، إعرف على طول إنه مدّعي إلحاد
يعني ممكن يكون شاف شوية حاجات من ناس فاهمة الدين غلط وفاكرين نفسهم دعاة
فأخد الموضوع عاطل على باطل وقال يبقى هوه ده الدين
وبدال ما يهدوه ،كرهوه في عيشته وكفّروه
اللا منتمي اللي بجد
هتلاقيه شخصيه واعية ومثقفة وعمره ما يهين أفكار ومعتقدات حد مهما إختلف معاه
ومابيدخلش مناقشات من دي أصلاً إلاّ مع ناس معينة وبطريقة هادية وراقية حتى برضه لو إختلفوا معاه
ده رأيي على فكرة،وحدش ملزم ياخد بيه
عايز حاجة تانية ؟؟
أعملك شاي مثلاً
هههههههه
شرفتني يا مُهند
سلاااااام
ف رأي مينفعش يبقي الإنتماء للدين
ويبقي الدين هو اللي بيربط البشر
وتقوم عليه الهوية
الدين علاقة شخصية جدا
ولإننا بندخل الدين ف كل حاجة
حصلت حالة فقدان للهوية والإنتماء بشكل عام
والنتيجة هي اللخبطة اللي إحنا عايشين فيها
شكرا علي البوست الجميل
ولينكات المدونات
تحياتي
رائع يا أميرة ...قرأت وسأقرى ثانية بعد تحضير النسكافيه
في نقطتين شدوني
اولا بما اني جزائرية فنقطة الأمازغية دي حقيقي ملموسة .قرون و اجيال و الهوية مطموسة حتى استطاعت ان تخلق عداوة بين سكان نفس البلد
ثانيا مقاومة اهل شمال افريقيا للفتوحات الاسلامية ...باب مغلوق ...و حكاية الكاهنة المقاومة البربرية انسيت
ثالثا حقيقي ان الاستعمار يستعمل سياسة فرق تسد لكن نحن من نسهل له الدخول بين صفوفنا عند نبذنا للاخر
فالجرح الذي لا يداوى يولد جراحا متقيحة
في هذا الصدد أدعوك لزيارة هذا الرابط
http://www.arabtimes.com/writer/zakaria/doc43.html
رابعا لا أدري لماذا يتناسى العرب انهم ليسو اكثرية في نسبة المسلمين في العالم و انهم يحتقرون الاخر حتى لو كان من نفس ديانتهم .وهنا الاخر هم سكان جنوب شرق اسيا أو بالتحديد أندونيسيا
خامسا :تمجيد الشخصيات التاريخية و جعلها فوق مستوى الشبهات و فوق النقد وهذه أكبر كارثة... اذا لم ندرك اخطاء أسلافانا فلن نستطيع التحرك قدما
أخيرا :فك شفرة التغييب الاجتماعي ..و فتح اسرار التاريخ الماضي لوحدهما كفيلين بدفع اوطاننا و اممنا الى نهظة جديدة
تحياتي اليك و بجد كتابة حلوة و بحث أحلى
السلام عليكم
فين كوباية الشي
انا عايز شاي سخن
عموما انتي عرفتي تغلبيني برضو بذكائك وانا فرحان بكده
متعرفيش ليه ؟
يمكن اكون معارض لكلام اتكتب من بعدي بس مش هعلق عليه علي اساس ان ديه مش مكان لمناقشات بيني وبين شخص تاني دي بيني وبين صاحب المدونه
ايه اللي خلاني ادوس
بس ما علينا
انا اقصد ان اي مناقشه متنفعش هنا
اميره اشكرك بشده انك عرفتيني الملحد لاني كنت كاره الفكره علي اعتبار اللي بشوفهم دايما بيشتمو الاسلام وبيقولو كلام غريب كده
---------
لما انتي قريتي موضوعاتي معلقتيش ليه وحسستيني ان في حد بيشوف كلامي اصل انا بحس اني بكلم نفسي في مرايه
-------
كلامك عن حتشبوت ميه ميه مش معترض بس كلامي صح برضو
خلاص كفايه مش هكتب في البوست ده تاني نشوف ايه الجديد
الباحث عن الحقيقة
مهند المصري
the alien
أهلاً بيك
إتضح لي أن الهوية مسألة معقدة جداً
وتتكون تبعاً لما مر على نفس الأرض من حضارات وثقافات
قد ترفضها تلك الأرض أو تمتصها وتعيد صياغتها بشكل مختلف
شهروزة الله يكرمها لفتت نظري للموضوع ده
لكن إنت متفق معايا في الإبتعاد عن الدين كفكرة للهوية
ماشي
ورأيك يضيف لأسباب إعتراضي على ما يحدث أسباباً جديدة
ميرسي ليك يا بيشوي
وشرفتني بجد
ها قد جاءت ندى
وجايالي في موضوع سُخن جداً وأكيد فيه تماس من نوع ما
....
الأمازيغية هناك والقبطية هُنا
لا فارق
فالطمس أو تغريب الأجيال بمبررات برّاقة مثل الوحدة والوطن العربي الكبير وتقوية الروابط الدينية ..إلخ
لا يمحو من بعض الأذهان الهدف الأساسي
وهو الرغبة في السيطرة وعزل الآخر
وإن كان من نفس الهوية
.....
الباب المغلق تم فتحه من زمن وتم تكفير من حاولوا تصحيح تلك الصورة المثالية المستقرة في الآذهان
بشرة خير إن شاء الله
.....
ميرسي على الرابط جداً
أنا كنت فاكرة إن سياسة فرق تسد ناجحة مع الإستعمار السياسي والعسكري
لكنها أثبتت فاعليتها مع الإستعمار الثقافي أيضاً
......
تقصدين أهل شبه الجزيرة العربية ؟؟
إنها العصبية القبلية ليس أكثر
ورأيي قابل للتصحيح إن وُجد المبرر
......
عارفة ليه ؟
لإننا بنخلط بين الشخصية الدينية المقدسة والجانب البشري
بمعنى
العشرة المُبشرين بالجنة مثلاً
لماذا بُشروا بالجنة ؟
وكيف يتأتى لبشر أن يتصيد لهم أخطاءً
بعد وعد الله لهم بالجنة
تأملي تاريخ عمر بن الخطاب أو علي بن أبي طالب مثلاً
لن تجدي هفوة واحدة مهما بحثتي
تعالي لعمرو بن العاص مثلاً
هذا الصحابي الجليل الذي أسلم في عهد الرسول صلى الله عليه وسلم
تجدينه يجادل ويراوغ وتغلبه الأهواء والمصالح في بعض الأحيان
هل يقلل كل ذلك من قيمته الدينية ؟
أبداً
ولا يمحو أيضاً قيمته وخبرته السياسية
إنه الخلط بين علاقتنا مع الخالق وتعاملنا مع البشر
قضية فتح الملفات قد يراها البعض غير مُجدية ومجرد نكأ للجروح وهي وجهة نظر تُوضع في الإعتبار
برغم أنها جروح متقيحة كما تقولين
لكني أراها فضلاً عن أنها قد تكون وسيلة للإستفادة والتعلم من الأخطاء
أراها أيضاً وسيلة لإعادة الحقوق المُهدرة إلى أصحابها وإرساء لمبدأ المساواة والعدل
نورتيني جداً جداً يا ندى
ومبسوطة بمشاركتك جداً
مُهند
مفيش شاي
دي عزومة مراكبية
هههه
.....
فكرة مين غلب مين دي مش مهمة
ممكن نكون إحنا الأتنين صح بس الزوايا مختلفة
لو عايز تقول رأيك في تعليق أي حد ممكن طبعاً
لكن في حدود الموضوع الأصلي للتدوينة
وفي إطار شديد الأناقة وإحترام رأي الآخر
أنا عارفة إنك هتعمل كده طبعاً
....
فكرة التعليق وخلاص مبقدرش أعملها
لازم يبقى عندي حاجة أقولها لصاحب المدونة
بس أنا ممكن أبقى أعمل تسجيل متابعة
حلو كده ؟
منورني يا باشا
السلام عليكم ورحمه الله
احلي حاجه بتعمليها اللضمه فوق الميم بتكتبي اسمي صح ميه في الميه ودا عاجبني قوي انا شخصيا بكتبو عادي
---------------------
كنت عايز اعلق علي كلام محدد وانتي عارفه اني مش بغلط في حد ودا من طبعي اساسا حتي في الحياة العامه مش بس في النت
-------------------------
موضوع نقد خالد ابن الوليد القائد العظيم
مش هقول انو منزه وانو نازل من السماء
بس مش لما انتقد شخصا ما اكون اهل لكده يعني اكون افضل منو مثلا
انتي تقريبا اعترضتي علي اللي يقول علي الغير محجبه ان اسلامها ضعيف او انها مثلا متبرجه او الحجاب اساس الاسلام
وفي نفس الوقت قولتي اللي فاهمين الدين غلط وبيفتو
طيب هل معني كده اني منتقدش شخص الا لما اكون انا افضل منو الاول؟
مش هقول علي الحياة الدينيه
نتكلم في العموم من حيث ان القائد خالد كان داهيه مثلا او فيه جوانب وحشه طيب هل انا افضل منو هل انا منزه هل انا نازل من السماء انا كمان ( ملاك يعني؟)
انا اقصد فكره مش عارف اوصلها ممكن مش عارف اعبر عنها برضو ممكن بس حاولت اني اوصلها ويا رب اكون اتوفقت
-------------------
بلاش عزومت المراكبيه ديه
------------------
انا اقصد تقولي رايك في المقالات والمدونه عموما مش لازم تمسكي بوست بوست
--------------------
بالنسبه لحقوق الاقليات بقي نقطه مش عارف انا صح فيها ولا لا
الامازيغ دول يقطنو حوالي اربع دول في شمال افريقيا
واصولهم ترجع الي اليمن
هي اليمن مش عربيه برضو ؟.
ولا اليمن دي كانت مش عربيه
يعني مثلا مصر فيها في الصعيد قبائل جهينه
هما مش عرب برضو؟
انا بس بسأل سؤال علي تغليق ندا هو الامازيغ دول مش عرب؟
اصل انا عندي صديقتي الهام من المغرب امازيغيه وبتقول ان اصلهم عربي مش عارف الكلام دا ايه صحتو
حتي تقريبا سمو بالبر بر لسببين
انهم اتو من شبه الجزيره برا
والسبب التاني من اصل اللغه الفرنسيه لانهم كانو بيدافعو عن ارضهم بطريقه بربريه
والله اعلم
------
مهند المصري
الباحث عن الحقيقة
أولا تحياتي لكي علي هذا البوست القوي جدا اللي بيكف لنا اد ايه أنتي شخصيه علي قدر عالي من الثقافه و الفكر المستنيير
نخصوص مواضيع المنتديات ده فللاسف بدأت في الانتشار بشكل كبير جدا حتي أنها اقتربت من أن تكون ثقافه شعبيه للاسف...أنا شايف أن الدين لازم يكون في حياه الفرد الشخصيه فقط..يعني علاقه بين الفرد و ربه ..يعني مينفعش دهوله و اقحامه في السياسه حتي لا نفاجأ بمن يقول أن المسلميين هم الذين انتصروا في حرب أكتوبر و أن المسلمين نجحوا في طرد الاحتلال البريطاني المسيحي و أن الصليبيين قادمون لاحتلال مصر..ده غير الكلام الفارغ بتاع بعض أقباط المهجر اللي بيتكلموا عن الاحتلال الاسلامي لمصر
ربنا يلطف بينا
تحياتي لكي
لما بادخل بلوج لأول مرة
ياحب أتصفح بعضآ من أوراقه القديمة
و أظل أعود و أعود لحد ماخلصها
و أنا استوقفنى البوست ده ....
فى إعجاب
على الهامش
أنا طبعآ حضرت حرب 67 و أنا طفل
و حرب 73 و أنا شاب
و أختلف تماما مع vetrinary
Post a Comment
Links to this post:
Create a Link
<< Home