أميــــرة
02 March 2007
ممنوع لمرضى القلب
هل أنت شخص عنيف ؟؟؟
...............
قبل ما تجاوب ... اقرا الموضوع اللي جاي ده على طول
........
توصلت المنظمة الدولية لحقوق الانسان إلى تصنيف جديد للعُنف _ بإعتبار إنّها خلّصت على التصنيف القديم _ التصنيف الجديد هو
العُنف المعنوي
وبناءً عليه فقد تم إعتبار كل ما هو آتٍ شكل من أشكال العُنف اللي هوه برضه معنوي
التجاهُل .... يعني لمّا حد يقولك صباح الخير وتعمل نفسك مش سامع
التهكُّم .... يعني التريقة على خلق الله ... أو على المنظمات الدولية
إزدراء الأفكار والمعتقدات .... يعني الناس المتخلفة اللي عندهم أفكار غير أفكارنا ... يععععع
الإستهجان .... يعني ايه ده انت ما بتفهمش ؟
التهديد .... يعني وحياة ... لانا مورييييك
العُدوانية غير المُبرََرَة ... يعني الشكلّ لمّا يبقى للبيع
التشهير .... التسييح لامؤاخذة
الإستفزاز .... دي سهلة دي
استغلال الحَاجَة ..... يعني السايس يلمّع العربية 100 مرّة ويدعيلك ويعمل عجين الفلاحة علشان تديله الجنيه
العُنصرية ..... يعني كريمات تفتيح البشرة
ديكتاتورية الرأي .... إهئ إهئ إهئ ... يعني أحسن ناس
وقد تم إعتبار التطفّل وإهدارالوقت بدوريهما من أشكال العُنف المعنوي إلاّ أنهما لا يتركان أي آثار نفسية سيئة على عكس ما سبق ذكره
ــــــــــــــــــــــــــــــــــــــــــــــــــــــــــــــــــــــــــــــ
إحم
.......
نرجع للسؤال الأولاني خالص
هل أنت شخص عنيف ؟؟؟
نرجع للسؤال الأولاني خالص
هل أنت شخص عنيف ؟؟؟
44 Comments:
العبد لله كده بلطجي
بالصلاه علي النبي
و اللي يخاف يروح
----------
طب هوالتصنيف القديم كان ايه؟
مش لازم يعني نبقي اخر موديل
باشمهندس
صباح الفل
والله يا عمرو كلنا طلعنا بلطجية ومفتريين
.....
التصنيف القديم ياسيدي
كان العنف البدني وده بقى موضوع كبيييير
يعني
الضرب والاغتصاب وحرمان الانسان من احتياجاته زي الأكل والشرب والنوم
وكمان تعريضه للأذي المباشر والغير مباشر زي الحرارة العالية أو البرودة الشديدة أو اضاءة قوية مستمرة أو صوت عالي مستمر أو اجباره على وضع جسماني ثابت لمدة طويلة زي الوقوف مثلاً
القائمة طويلة جداً
بس ها أقولك حاجة ظريفة
وسيلة التعذيب عند الصينين كانت انهم بيسيبوا نقط مية تقع بشكل منتظم و رتيب جداً فوق دماغ المسجون
نقط مية
حاجة في غاية الرقة
بس عند النقطة الخمسين ألف السجين بيقر ويعترف باللي عمله واللي ما عملوش
وعند الرومان زمان كانت وسيلة التعذيب هيه الزغزغة وكانو المساجين برضه ما بيستحملوش
......
يوم سعيد
......
تحيات عنيفة
طــبعا
bosbos
مش كده والنبي ؟؟
أنا أعز الصراحة مووووت
.......
تشكّرات معنوية يا باشا
قشطة جدا
مش عارفه ليه كل ما اقرا حاجة م التصنيف اسمع زغاريد فى ودانى
هههههههههه
بس اسكتى وسائل التعذيب اللى قلتى عليها لعمرو اوعى يعنى
انا ممكن اعترف لو حد حطنى لوحدى مع ساعة صوت تكات العقارب بتاعتها واضحه
:)
اكتر حاجه عجبتنى فى تصنيفك
مش عجبتنى عجبتنى
بس عجبتنى ايه ده يعنى
العنصرية
و النبى يا اختى افتكرت كريم فاير اند لوفلى
و السايس اللى بيعمل عجين الفلاحه
يا شيخه ده فى ناس بتاخد فلوس مقابل كل سنه و انت طيب
بس فى الواقع
انا مش بمارس كل انواع العنف الوحشه دى
بس انا ممكن اكون تخصص عنف التجاهل
اصل انا احب اتقن اللى بعمله بقى
موووووووااااااااااا
ياسمين
ازيّك
بصي أنا فعلاً كان أقصدي أسمّعك زغاريد
بس نسيت أكتب وأنا وأنت ورقصني يا جدع .......
عجبتني ما عجبتنيش عجبتني ماعجبتنيش
عجبتني ما عجبتنيش عجبتني ما عجبـــ
مش فاهمة حااااااااجة
.......
موضوع فيير آند لافلي ده موضوع كبييييير وللأمانة فيه حد هوه اللي لفت نظري لوقاحة الاعلان ده هوه وأمثاله
بس فيه من ده كتير زي الأماكن اللي بتطلب فتيات جميلات للعمل كأي حاجة أو اعلان للمحجبات فقط أو المسيحيين فقط أو الرفيعين فقط
أو أي حاجة فقط وكأن الباقيين دول مش بني آدمين هيعرفوا يشتغلوا
ما علينا
.......
الناس اللي بتطلب فلوس مقابل كل سنة وانت طيب ممكن نعتبرهم متتطفلين وكده يبقى اتنين بني آدمين وثالثهما العنف المعنوي
.....
أنا عن نفسي لو حسبت الللي باعمله وعلاقته بالعنف
ها أموت نفسي
بس ها نقول ايه
عالم فاضية
وده تهكم مني
يعني عنف
وقاعدة با أهدر في وقتك بالرغي ده يعني عنف
بس هاطنش
وده برضه عنف
.......
أشكر مرورك العنيف
ههههههه
كده نحن في عالم عنيف جدا
و كل الرجاله اللي اعرفهم عنيفين لدرجة الارهاب
و في ستات كمان عنيفه
بس واخده صفه او اتنين
الرجاله بقى كوكتيل
انا بقى
مقدرش احكم على نفسي
طبعا انا مش شايفه في نفسي ولا حاجهه من دول
ممكن لأني اكره اشوف نفسي كده
و ممكن لني مش كده فعلا
مش عارفه غيري يحكم افضل
السلام عليكم
هو يعنى ممكن سؤال
ولا مؤاخذة كده
هل لابد من توافر كل الحاجات الفزيعة اللي فاتت دى عشان أبقي عنيفة..ولا يكفي واحد أو اتنين
أصل بالشكل ده حبقي طيبة أوى
:D..ووديعة أوى ..وأليفة أوى
حاشا لله
دانا نسسسمممممممممممممهه
ههههههههههههه
تحياتي لامورتي
الواحد لازم تطلعله جناحات و دايرة فوق دماغه عشان ترضى عنه المنظمة الدولية لحقوق الإنسان !! بس والله خير...إذا كانوا عاملين دلوقتى مظاهرات علشان حقوق الفراخ وحقها فى أن تلقى معاملة كريمة !!! يعنى لما أشوف فرخة أقوم أقف !! و تقوليلى عنف معنوى
ده أنا كده استهجان وتهديد وكله ينهار ابيض,,
وشكرا علي مدونتك الرائعه
فريدة
يا أهلا يا أهلا
.......
بصي من الواضح ان اللي حاطين التصنيف الجديد ده شوية ستات
روقان ورومانسية وكده وواضح ان كل واحدة منهم اختارت حاجة مضايقاها من جوزها علشان تعرف تصنفه بقلب جامد
.....
أنا من ساعة ما قريت الموضوع ده على النت وأنا باقفش نفسي كل شوية و أنا عنيفة جدا
لو ركزتي شوية في يومك هتلاقي صفة أو اتنين وبلاش نظلم الرجالة لأن دي طبيعتهم أصلا وخصوصا الاستهجان
.......
نورتيني بجد
mesh2dra
يا دي النور يا دي النور
هيه صفة واحدة بس
وبكرة تلاقي حقوق الانسان بتخبط على الباب علشان تجاهلتي صورتك في المرايا
.........
خدي بالك أنا قلت ممنوع لمرضي القلب
وكمان أصحاب المشاعر المرهفة
.....
سعيدة لزيارتك
سمو الأميرة
مين قال ان الكلام ده موجه ليكي أو ليّا
الكلام ده لعامة الشعب
الموضوع ده مضايق سموك ؟
تحبي أقفل لك المنظمة دي ؟
انتي عارفة انا عنيفة وانتي بلطجية
يعني ما جمّع الاّ ما وفّق
.......
وبعدين مين قال موضوع كاملة الأوصاف ده
دي أغنية تانية لحليم
يا شيخة حرام عليكي
ده أنا شعاري في الحياة
nobody is perfect
......
شرفني وأسعدني مرور موكبك المبجل
bosbos
حقوق الفراخ
ممممممممممم
انت عارف انّي مش عارفة أنام من ساعة ماسمعت الحكاية دي
بس ياترى قصدهم حقوق الفراخ البانيه ولاّ المشوية ؟
تفرق معايا قوي
......
بكرة يخلّونا نستأذن المقص قبل ما نستعمله ونصبّح على الكوبايات
ونخبط على باب الحمام وهوه فاضي علشان الحوض ما يتخضش
........
نورت بيتك ومطرحك
ابن ناصر
أرجوك ماتبقاش عنيف مع نفسك للدرجة دي
مجرد احساسك بالذنب هيخليك تبطل عنفك ده
هههههه
أنا عن نفس هاروح أنتحر لأني كل ما بافتكر البشر اللي اتريقت عليهم من ساعة ما أتولدت معنوياتي بتنهار وبحس اني لازم أسلم نفسي
لمين مش عارفة
.....
أنا قلت بس أعرّفكم على المنظمة بشكل جديد لاتكونوا فاكرينها موجودة على الأرض بتاعتنا دي
لأ دي حقوق الأنسان فرع المريخ
.......
ميرسي على زيارتك وعلى الكلمتين الحلوين دول
مصاعب الحياة وهمومها لم تترك للمصريين اى خيار سوى ان يكونوا عنيفين وعصبيين
احيانا اتفرج على برامج الكاميرا الخفيه فى بلاد مختلفه واتخيل لو ان هذه المقالب فى مصر لقامت مذابح
الا تلاحظى اننا نتكلم دائما بصبر نافذ واستفزاز
فى الطريق مع الجيران مع الاهل فى المصالح فى الرياضه فى العمل فى المنافسات
شكوك فى كل انسان واتهامات متطايرة وكلمات جارحه وطعن فى الكرامه والشرف بسهوله
الروح بقت فى المناخير
بسم الله الرحمن الرحيم
السلام عليكم ورحمة الله وبركاته .
الإخوة والأخوات من أبناء مصر الأبرار ,نقدم إليكم المبادرة المصرية للعفو والإصلاح –مبادرة الإخلاص- والتى تمثل طرحا مصريا لاستنهاض مصر يخاطب المخلصين من أبنائها ,ويتطابق مع الإرادة الجمعية للأغلبية المصرية الصامتة وهو ما يجعله الأقدر على تحقيق أهدافه ,نقدمه إليكم آملين فى تأييدكم له ,وسائلين الله عز وجل أن تعود به مصر كما أراد لها أن تكون .
ونرحب بتفاعلكم وآرائكم من خلال زيارة موقع المبادرة :
www.mobadrtalekhlas.blogspot.com
هههههههههه
ده كده انا طلعت مش عنيفه
ده انا كده اتشردت خالص
لا مليش دعوه بلاكلام ده انا مش عنيفه انا حسه بكده
واحشاشى عمره مايكذب عليا
وعمر مكانت الاحاسيس قابله للقياس بمعطيات ثابته
تحياتشى على البوست العنيف ده
harmless
صباح الفُل
فيه ايه بس ؟
مالك عنيف معايا كده ليه ؟
على العموم أنا أعتقد ان المنظمة بما انهم انسانين قوي زي ما انت شايف
ممكن يعملوا استثناءات لشعوب العالم التالت
نظراً للظروف حياتهم الصعبة
أو يعملوا تصنيف جديد للعنف ويبقى ممنوع لغير المصرييين
حلو كده؟
فكّها بقى
أنا عاملة بوست تريقة مش علشان أقلب علينا المواجع
.......
تحياتي
وميرسي على زيارتك الحلوة
abdallahalmasry
نورتني
وحاضر
كدة ابقى شخص عنيف
والعنيف دايما بيكون شخص اتعرض للعنف فى حياته فلم يعرف صيغة أخرى للتعامل بها سوى العنف ايا كان نوعه كما صنفتيه
بوست حلو ويضيف معلومة
على فكرة فى لقاء للمدونين أحب انك تشاركى فيه تعالى زورى مدونتى وهتعرفى التفاصيل
محض روح
ههههههههه
فيه حد في الدنيا يبقى أسمه محض روح ويبقى عنيف ؟
ده اسمك لوحده طارد للعنف
.......
طبعاً
احساسك هو الوحيد اللي مش هيكدب عليكي
ولو اني باشوف ان المعطيات الثابتة بتعطي نتائج متقاربة مش متشابهة
يعني لو بتعملي تصرف ولا اتنين من اللي في البوست يعني ممكن
جايز
احتمال
تتصنفي عنيفة معنويا
انشاللا حتى باللفتات والنظرات
........
ميرسي قوي على زيارتك الأولى
وعلى تعليقك الخالى من العنف
نورتيني
ياسمين
ايه النور ده ؟
skylight
عندنا ؟
عندك حق طبعاً
أنا شايفة ان العنف مُكتسب
وان الفطرة مسالمة الاّ فيما ندر
حتى الحيوانات البرية مابتهاجمش الا في حالة الشعور بالخطر أو الجوع
بس البشر بقى ليهم رأي تاني
........
ميرسي يا فندم على الكلام الحلو وعلى الزيارة
وأنا جاية حالاً
تحياتي
دعوة عامه لكل المدونين المصريين لحضور اللقاء الثالث الذى تحدد موعده من قبل المشرفين عليه والمؤسيسن له
وذلك يوم
الجمعه الموافق 9/3/2007
بدار الاوبرا المصريه
كوفى شوب الابداع
بجوار دار الابداع بداخل الاوبرا
والدخول للمكان من البوابه الخلفيه للاوبرا امام النادى الاهلى
والحضور بالملابس الشتوية
واوجه الدعوة خاصة الى الاخوات المدونات
ايمن فاروق
السلام عليكم
الحمد لله لا علي ما أعتقد
بس ألذ حاجة موضوع العنصرية دي
معلش
ممكن أكون عنيف سنة بسيطة جدا
التهكم بس و الله بتهريج
و للأسف إهدار الوقت
على فكرة بقى يا أميرة ، كافيتريا مركز الإبداع هيا نفسـها كافيتريا المجلس الأعلى للثقافة ، ونشوووفـك على خير إن شااااء الله
تحياااااااااتي
اديني أماره علشان أنا ابتديت أحس إني هي :)
يسعدنا تشريفك
www.blogs4arab.com
اميرةة
انا شايفة اني مش عتنيفة بالاسلوب اللي انتي بتتكلمي عليه
مع اني كنت فاكرة نفسي عنيفة
بس طالما دة مفهوم العند يبقي انا مش بقيت كدة خالص
على كده انا مفروض أروح دار لإعادة تأهيلي !
اميرة انا مش شايفة حاجة من الحروف
غامق مع غامق مديني غامق في الاخر
بس عموما انااعتقد ان في ناس تستحق العنف
يعني مثلا الشركة عندي تستحق ان يتفجر في مكان متوسط منها عشان نحصد اكبر قدر من الضحايا نفجر كام امبوبة بوتوجاز
بوم كده
يوم اكون واخداه اجازة انا و كام موظف و موظفة
ميجوش 10
انا عنيفه يا اوختشي
التجاهل
بس مش كتير والله لانه فعلا بيعمل اثر سئ جدا جوايا حتى لو حد يستاهلو
This comment has been removed by the author.
raspoutine
عُلم ويُنفذ يا فندم
تحب سيادتك أروح من دلوقتي ؟؟؟
....
بس بعد اذن سيادتك
يعني ايه الأخوات المدونات ؟
الميعاد في الأوبرا ولاّ في جامعة الأزهر ؟
.....
ميرسي لسيادتك يا فندم
no fear
منّور
عجبك موضوع العنصرية ؟
لأ بجد
طول النهار البياض الطبيعي
هوه ماله يعني السمار الطبيعي ؟؟
دي حاجة من بين مليون حاجة تانية
.....
تحياتي
no fear
يا نهاااااااار أخضر
تهكم ؟؟؟
وتقولي سِنّة بسيطة
طب ده أغلى صنف عندهم في المنظمة
وكمان إهدار الوقت
لا لا لا
كده يا محمد ؟؟؟
ماكانش العشم
......
تحياتي تاني
.......
إهدار الوقت ؟؟؟
إبراهيم .... معايا
ربنا يخليك
ربنا يكرمك
ربنا يسترها معاك
ربنا مايوقعك في ضيييقة
ربنا يوقفلك ولاد الحلال اللي يعرّفوك مكان كافيتريا مركز الابداع
يارب تنجح يارب
.......
لو مالقتنيش في الاوبرا
هتلاقيني عند مدخل البُرج
باشحت
........
تحيات قليلة تمنع بلاوي كتيرة
3arousa 7alawa
الأمارة عندك
......
تحيات قديييييييييييمة
إنجييييييي
عنيغة ؟؟؟
انتي ؟؟؟؟
ده انتي ملااااااك
.....
وحياة البوست الأخير بتاعك اللي بينقّط تسامح ؟؟؟
طيّب
أمّا أشوف رد فعلك الغير عنيف وأنا باديكي الورد ان شاء الله
.......
تحيات هامسة
abd el rahman
ما أنا رُحت
هايلة
بتخرج شارونات صغنطتين
......
تحياتي
و
S O S
nohaz
ما هوه ده العنف
انك تغمّقي الدنيا في وش الناس
يبقى أنا نجحت
.....
الشركة
وأنبوبة بوتاجاز
وتكوني في يوم أجازة
مممممممم
أنا بشبّه
كُنتي فين يوم 11 سبتمبر من ساعة ما اتولدتي ؟
؟؟؟؟؟؟؟؟؟؟؟؟؟
.........
حاضر
ها نشوف موضوع الغامق في الغامق ده
......
ونورتيني والله
sara
ايوه يا عنيفة يا صغننة انتي ؟؟
التجاهل ده بيوزعوه مع التطعيمات بتاعت الأطفال
علشان فيه ناس لو ماتجاهلتيهمش
هيجيلك إنهيار عصبي وشلل رباعي واستبحس
وياريتهم بيحسّوا
....
خليكي عنيفة
بس مش معااااايا
آه
.....
منوراني
Post a Comment
Links to this post:
Create a Link
<< Home